Matthieu 3:16 - Nouveau Testament en Gulay 2004

¹⁶ Loo ke Jean ule Jésu manné njonm ɓá ɓaa, Jésu unde loo tee nata. An! ke loon’t nè kuwe, kum danran teen halal ade an ndil Nube rise ndi dènn’t tite der-nda bè.

Matthieu 3:16 Iomraidhean Croise

Marc 1:10

Loo ke à unde loo dann mann’t le tee ɓaa, ke loon’t nè kuwe è an kum danran teen halal, Ndil ree ndi dènn’t tite der-nda bè.

Jean 1:51

Jésu ede Nathanael se njé ke rang malang ede nè: – Kerɔte kuwe, man m’ede sei ndàt, unn gir’n ɗarinè kum danran à teen. Sei a kan-in dooge ke danrán le Nube à ali kawi dɔ a, à risi nang a tɔ tede rai nyan kadi man Ngonn doo.

Jean 3:34

E ke Nube ule’n nga ɔrgir tàge le Nube, tede Nube ade’n Ndil se girson’n bere mbak.

Nyanra Njekawkulege 1:22

Doo nè nga, gar-gar maje kade è doo ke ndɔ ke è se jéi nan’t, unn gir ndɔ ke Jean ule’n Jésu manné njonm sár tee’n ndɔ ke Nube unn’n dann jéi’t seen aw’n se’n danrán.

Nyanra Njekawkulege 7:56

Etienne tam ede nè: – An-in! man m’an kum danran teen ra’n. M’an Ngonn doo nda se nja’n dɔ dè jikon Nube’t.

1 Jean 5:6

E Jésu-Krist nga ree dè nang nè se mann a, se mese a tɔ. E ree se mann á karé lé, nè è ree se mann a, se mese a tɔ. Ndil-Kem̂nda nga è ngarankum tà. E è kuwe á ɔrgo tà nè nga titeke bè.