Matthieu 3:11 - Nouveau Testament en Gulay 2004

¹¹ Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Matthieu 3:11 Iomraidhean Croise

Matthieu 3:6

Dooge nè nga malang reei ra Jean’t ɔri gir kaiyage le de ke nata adi nin ade ule’n de manné njonm dann ba ke Jourdain.

Marc 1:4

Jean ke njèkule dooge manné njonm unde loo tee kêm dile’t ile mber ede nè: – I turi hal si adi d’ule sei manné njonm. Titeke bè á Nube à inye’n go kaiyage le si.

Tà ke Maje ke Luc ndang 1:17

E à njiye kété non Nube’t se tɔgmong le Ndil a, se tɔgmong ke Elie njèribe-dè-tà ke tà Nube’t ra’n kule kété mari. E à um bɔ ngannge nan’t se ngann dege. E à tel njékaltàge kade ei njéra nyan danné sêwge. E à uwe dè nja njé ke nange dann kosdooge ke Israel. E ra titeke bè le kade dé ndi dè nja de’t tchên le kuwe Kuwe-ɓee ke ra de’t a tɔ.

Tà ke Maje ke Luc ndang 3:16

Nè Jean ede de ndàt ede nè: – Man m’ɔr sei kunde sei se ninn si gai se mann. Nè doo karé ke tɔgmong le’n dum dè le’m à ree goom’t non. Man m’ase tutu sa ke njann’t lé. Doo nè nga, à ɔr sei kunde sei se ninn’n gai se Ndil-Kêmnda a, se por a tɔ.

Tà ke Maje ke Luc ndang 3:3

Gir’n ke nè á, Jean unn’n gir kaw se loo-loo kêm ɓeege ke an-in dè ba ke Jourdain ile’n mber ade dooge ede nè: – I turi hal si, adi d’ule sei manné njonm ɓaa, kêm Nube à tin mbit dè kaiyage’t le si.

Jean 1:15

Jean ɔrgo tà ɔje’n dè Ngonn nè nga se ndu’n ke bòi ede nè: – An-in! è ke ndɔ ke m’tam tà le’n m’ede sei m’ede nè: «Doo karé ke è nonm’t kété à ree goom’t gugu non, tede è ndi tutu kété ɓita d’oje’m ɓai.»

Jean 1:30

E nè nga kété m’tam tà m’ɔje’n dè’n m’ede nè: «Doo karé ke è nonm’t kété à ree goom’t gugu non, tede è ndi tutu kété ɓita d’oje’m ɓai.»

Nyanra Njekawkulege 1:5

Jean ule dooge manné njonm kété, nain ndɔ ngain lé kade d’ɔr sei d’unde sei se ninn si gai se Ndil-Kêmnda ɓai.

Nyanra Njekawkulege 19:4

Nè Paul ede nè: – Kule dooge manné njonm ke ɔje dè tur hal á è nyan ke ndɔ ke Jean ra. E ede kosdooge le kade undei kêm de dè è ke à ree goon’t. E ke à ree go Jean’t nga è Jésu.

Nyanra Njekawkulege 8:36

Dé joo mbak d’uwe rebe le de ɗêk-ɗêk d’a d’aw. Nè mbɔr ɓaa, dé ree dé tee tà mann karé’t pan. Ke loon’t nè kuwe, doo ke Ethiopie nga tam se Philippe ede nè: – An! mann á tò nè. Ké ri á à ɔgi kule’m manné njonm wa? [

Nyanra Njekawkulege 8:38

Njèkuju unn ndu’n ade d’uwe wotro rɔ le’n nga nang. Ei se Philippe risi nang joo mbak awi dann mann’t. Philippe ule njèkuju manné njonm.

1 Nje Ke Corinthe 12:13

Oiyo, né Juipge se njé ke ei Juipge lé, né ee’n ɓerge éké njé ndi dè palge géa, ndɔ ke d’ule jéi manné njonm d’ade j’umi nan’t bɔk se Ndil-Kêmnda ke karé nè kuwe. Jèi malang jè teli jèi danra ke karé bere ke j’an-in mann ke an-in kutch-kutch ke in ra Ndil-Kêmnda’t.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.

Tite 3:5

Nube aje jèi tede nyanra jé ke se dè naje’n ke ndɔ ke jè ra nga lé. Nè è aje jè se go kem̂kanm le’n. E tel jè ke dooge ke koje kige se koje ke Ndil-Kem̂nda tel oje jè rang.

1 Pierre 5:5

Sei basage géa, maje kade ulei dè si adi ngatɔgege. Maje kade sei malang i rai ra si ke ngann njékulege le nan tede Nube ute njé ti rage mbeng, nè è uwe noje se njé kule dè dege.