Matthieu 28:6 - Nouveau Testament en Gulay 2004

⁶ E goto loo ke nè ta, tede è unde loo tee dann njé ke koo’t titeke è tam’n kété nga. I reei an-in loo ke kété tò tutu nga.

Matthieu 28:6 Iomraidhean Croise

Matthieu 12:40

Titeke kété Jonas too’n kêm kanje bò’t ase ndɔ mute nga, man ke m’ee Ngonn doo nga géa le’m à è titeke bè tɔ. M’a m’tò ngaran nang’t ase ndɔ mute tɔ.

Matthieu 16:21

Unn gir kêm ndɔn’t nè nga, Jésu-Krist ede njékuwe-girnge ede nè: – Gar-gar m’a m’aw ke kêm ɓee-bò ke Jérusalem. Ngatɔgege se maw njékuje nyan-mesege a, se njéndang magtubge a tɔ, à rai se’m nyantosowur. D’ade tɔl’m nè ndɔ ke njékon’t mute ɓaa, m’a m’unde loo tee dann njé ke koo’t.

Matthieu 17:23

Dooge à tɔli man nè ndɔ ke njèkon’t mute ɓaa, m’a m’unde loo tee dann njé ke koo’t. Tà nè nga ade njékuwe-gir-Jésuge kêmkon ngain.

Matthieu 17:9

Loo ke Jésu se njékuwe-girnge in-in dè mbal’t à risi nang ɓaa, Jésu unn ndu’n ade de ede nè: – Nyan ke sei an-in nè nga, i tami tà’n adi doo karé ke rang oo lé sár kade man ke m’ee Ngonn doo m’unde’n loo m’tee’n dann njé ke koo’t.

Matthieu 20:19

Dé nè nga, d’a d’in se’m ke kété kule’m ji dooge ke geri Nube lé le kade ulei mbe dèm’t. A undei man se ndêin a, à ɓeri man kàde kage-ke-dese’t a tɔ. Nè ndɔ ke njèkon’t mute ɓaa, man m’unde loo tee dann njé ke koo’t.

Matthieu 27:63

– Ngar ke maje, kêm jé olé dè tà’t le njè libe kum dooge nè. Kété ke ndii’n se dè’n dɔ ɓai nga, è tam ede nè: «Ndɔ ke njékon’t mute ɓaa, m’a m’unde loo tee dann njé ke koo’t.»

Marc 16:6

Ngonn basa nè nga ede de ede nè: – Adi ndil si tee an-in soin-soin lé. Sei sangi Jésu ke Nazareth ke ndɔ ke dé tɔl’n kàde kage-ke-dese’t nga; Nube ade unde loo tee dann njé ke koo’t ɓá. E goto loo ke nè’t. An-in! è loo ke nè á ndɔ ke d’unde ninn’n tutu.

Marc 8:31

Unn gir kêm ndɔn’t nè nga, Jésu ede njékuwe-girnge ede nè: – Man ke m’ee Ngonn doo nga, nyankêmkonge ngain à rai man. Ngatɔgege le Israel se njékɔrgir gute-nduge se maw njékuje nyan-mesege à utei man mbeng a, à tɔli man a tɔ. Ndɔ ke njèkon’t mute ɓaa, m’a m’unde loo tee dann njé ke koo’t.

Tà ke Maje ke Luc ndang 24:12

Nè Pierre ɔse nang in se ngɔde aw dè ɓada. E ɗuge nang ule kum’n nè an tà kubu dubu ninn á tò nang njɔk karè. E tel aw ɓee le’n. Kàde’n gete get-get dè nyan ke tee’t nè nga.

Tà ke Maje ke Luc ndang 24:23

Taɓai dinyege nè nga edi jè edi nè: n’ingei dooge ke danrán ke Nube ule de á edi de edi nè: Jésu ke Nazareth nga ndi kumgajer.

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Jean 10:17

M’ile ra’m kɔke ɓila nè m’a m’tel ndi kumgajer gugu ɓai. Gir’n ke nè á Bɔ’m tár’m ngain.

Jean 2:19

Jésu tel ile de dè’t ede nè: – I tuji gile kei ke tò se ninn’n le Nube nga kɔke ɓaa, m’a m’tel ra’n gugu kêm ndɔ mute karè.

Nyanra Njekawkulege 2:24

Nè Nube ɔr Jésu ke Nazareth dann nyankêmkonge’t le yo ade unde loo tee dann njé ke koo’t. Titeke bè á yo asekum kuwe’n nang gan-gan se go tɔgmong le’n lé.