Matthieu 28:3 - Nouveau Testament en Gulay 2004

³ Ra’n ndoin tite ndi ke têl a, kubu ke rann’t nda káng-káng tite kew bè a tɔ.

Matthieu 28:3 Iomraidhean Croise

Matthieu 17:2

Ke loon’t nè kuwe ra’n tel waks tàkum de’t. Tàkum’n ndoin kein-kein tite kàde a, kubuge ke rann’t tel nda káng-káng a, unji njai-njai tite lookar bè.

Matthieu 28:4

Ɓel ra njé ngonm looge ngain ade ndebi nginn-nginn teli tooi asinan se ninnge bè.

Marc 16:5

Taɓai loo ke d’aw kêm bolè mbal ke dé son ɓaa, d’an ngonn basa karé. E ndi nang se ke dè jikon, è ule kubu ke ngal ke nda káng-káng rann’t. Loo ke d’an’n bè ɓaa, tà ige de sêl ade ndil de tee an-in soin-soin.

Marc 9:3

Kubuge le’n ke rann’t unni gir ndoléi kein-kein a, ndai káng-káng a tɔ. Doo karé ke dè nang nè ase togo kubu kade nda tite kubuge le Jésu ke rann’t nè goto.

Jean 20:12

E an dooge ke danrán joo tulei kubu ke nda káng-káng ndii nang loo ke kété d’unde’n ninn Jésu tutu a, è ke karé ndi loo ke kété dè Jésu sɔbe tutu a, è ke karé ke rang ndi loo ke kété nja Jésu sɔbe tutu a tɔ.

Nyanra Njekawkulege 1:10

Loo ke Jésu in à aw ke danrán nga, njékawkulege an-in goo’n sikm. An! dingemge joo undei loo teei ndai se kubuge ke nda káng-káng ra de’t. Ei deji njékawkulege nga edi nè:

Lookilera’n 10:1

Taɓai m’an doo ke danrán karé ke rang ke njètɔg in danrán rise nang. Doo nè nga bum utu dè’n lêt-lêt a, an-in dè’n king-king a tɔ. Tàkum’n ndoin tite kàde bè a, nja’n tò tite por ke suri nan ɗêng-ɗêng bè a tɔ.

Lookilera’n 18:1

Go nyange’t nè ɓaa, m’an doo karé ke rang in danrán rise nang. E aw se tɔgmong ke bò. Ndubra le’n ndogó ade loo ke dè nang nè bere mbak unju njai-njai.