Matthieu 28:19 - Nouveau Testament en Gulay 2004

¹⁹ Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Matthieu 28:19 Iomraidhean Croise

Matthieu 13:52

Jésu ede de ede nè: – Gir’n ke nè á njèkɔrgir gute-ndu ke rara ke ndó nyange ke ɔje Konɓee ke danrán ɓaa tò asenan se kuwe-kei ke ɔr nyanbawge le’n ke kige se ke konn unde nata.

Matthieu 25:32

Kêm ndɔn’t nè d’a d’ɔse nja kosdooge ke dè nang nè malang nan’t nonm’t. M’a m’ɔr kum dooge ke nange dann made dege’t titeke njèkul nyan ɔr’n kum batege se bal-binyege bè.

Nyanra Njekawkulege 1:2

sár tee’n kêm ndɔ ke Nube unn’n aw’n se’n danrán. Jésu unn ndu’n se go tɔgmong le Ndil-Kêmnda ade njékawkulege ke è tɔr de unde de se ninn de.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 14:21

Paul se Barnabas ilei mber Tà ke Maje kêm ɓee-bò ke Derbe ade doobulege teli ei njétaakêm-Kristge. Go’t gugu, ei teli dè nja de’t awi kêm ɓee ke Lystre a, Icone a, taɓai Antioche a tɔ, kêm ɓeekon ke Pisidie.

Nyanra Njekawkulege 2:41

Njé ke taai tà le Pierre umi dè madege’t ke kété ade d’ule de manné njonm nga, kɔr de in dè made’t ase aru dɔg loo mute kêm ndɔn’t nè.

Nyanra Njekawkulege 28:28

Ooi maje, tà kaje le Nube nga ule’n ade njé ke ei Juipge lé: ei ɓaa, uri mbi de ooi. [

Nyanra Njekawkulege 9:18

Ke loon’t nè kuwe, ginde nyan tee kum Saul’t toso nang tite ngɔ nyan bè ade tel an loo njai-njai. E ɔse nang in dɔ ade d’ule’n manné njonm ke loon’t nè.

Nje Ke Rome 10:18

A ɓaa, ké m’a m’tam kede nè: Ndɔ ke Juipge ooi tà nè nga ndan lé wa? Ḿ-m̀, ei ooi mbak kuwe! Magtub le Nube tam ede nè: «D’oo ndu njékile mberge ke ɔje dè Tà ke Maje se loo malang dè nang nè. Mber kile le de aw sár ɔse ngei dè nang ndi dooge bere mbak.»

1 Nje Ke Corinthe 15:29

Ke nè á dooge à undei loo teei dann njé ke koo’t lé ɓaa, ké njé ke adi d’ule de manné njonm gute tà njé ke koo’t nga à rai bain ta wa? Ke nè á dooge undei loo teei dann njé ke koo’t lé ɓaa, ké bain á dooge ke nange ade d’ule de manné njonm gute tà njé ke koo’t taɓai wa?

Nje Ke Galatie 3:27

Sei malang d’ulei sei manné njonm se ri Krist nga, sei teli taai nan se Krist.

Nje Ke Ephese 2:18

Oiyo, è se takul Krist á jè Juipge a, sei a tɔ, jèi malang j’ingei tà rebe kaw ra Bɔ jéi’t kem̂ Ndil ke karé bere’t nga.

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.

1 Pierre 3:21

Mann bêlm nè nga è nyan-tɔje ke ɔje dè kule doo manné njonm. Kule doo manné njonm nga è gir kaje ke sei ajii ɗarinè. Kule doo manné njonm nga ɔr nyan ke mine le danra ra si’t lé, nè è ndukunn ke sei unni se tàgir ke maje ke kem̂ si’t adi Nube. Kule doo manné njonm nga aje sei takul kunde ke Krist unde loo tee dann njé ke koo’t.

1 Jean 5:7

Njékɔrgo tàge nè nga ei mute.