Matthieu 28:16 - Nouveau Testament en Gulay 2004

¹⁶ Njékuwe-gir-Jésu ke dɔg-gidé-karé ɔti awi kêm ɓeekon ke Galilée dè mbal’t ke ndɔ ke Jésu unn ndu’n ade de le kade d’inge’n tutu nga.

Matthieu 28:16 Iomraidhean Croise

Matthieu 26:32

Nè loo ke d’a d’ade m’a m’unde loo tee dann njé ke koo’t ɓaa, m’a m’aw kété non si’t kêm ɓeekon ke Galilée.

Matthieu 28:10

Jésu ede de ede nè: – I ɓeli lé ta. Awi edi ngakonmge ade awi gar-gar kêm ɓeekon ke Galilée. E á è loo ke à an-in man tutu nú.

Matthieu 28:7

Awi law-law edi njékuwe-girnge edi nè: «Jésu nga unde loo tee dann njé ke koo’t ɓá. An-in! è aw non si’t kété kêm ɓeekon ke Galilée. E á à è loo ke sei a kan-in nin tutu nú.» E ke nè á è tà ke man m’ede sei.

Marc 14:28

Nè loo ke Nube à ade m’a m’unde loo tee ɓaa, m’a m’aw kété ngine sei kêm ɓeekon ke Galilée.

Marc 15:41

Loo ke ndɔ ke Jésu nain kêm ɓeekon ke Galilée ɓai nga, dinyege nè danni nin loo kile mber’t a, ndiri nyan adi use a tɔ. Dinyege ke rang bule géa ndɔ ke danni nin awi se’n kêm ɓee-bò ke Jérusalem a tɔ.

Marc 16:14

Loo ke njékuwe-gir-Jésuge ke dɔg-gidé-karé ndii à usei nyan ɓaa, Jésu tee pan kum de’t malang. Jésu in se de ede nè: – Sei njé kunn mbi dè tàge’t se njékêm nderge! Sei mbati kumi kêm si dè tà’t le njè ke an-in man kumgajer loo kunde loo tee’t le’m dann njé ke koo’t.

Marc 16:7

Nè awi edi Pierre se njékuwe-gir-Jésuge ke rang titeke Jésu ndi aw kum’n ke Galilée non si’t kété non. A an-in Jésu kêm ɓeekon ke Galilée titeke ndɔ ke kété ede’n sei nga.

Jean 6:70

Jésu tel deje de ede nè: – Sei ke dɔg-gidé-joo nè nga, ké è man kuwe á m’tɔr sei lé wa? Nè né è bè géa, è ke karé dann si’t tel è doo le sú ke njèkêmyêr.

1 Nje Ke Corinthe 15:15

Ke nè á dooge à undei loo teei dann njé ke koo’t lé ɓaa, jè njé tête tàge kunde tà Nube’t tede jè tam j’ede nè: «Nube ade Krist unde loo tee dann njé ke koo’t.»