Matthieu 28:10 - Nouveau Testament en Gulay 2004

¹⁰ Jésu ede de ede nè: – I ɓeli lé ta. Awi edi ngakonmge ade awi gar-gar kêm ɓeekon ke Galilée. E á è loo ke à an-in man tutu nú.

Matthieu 28:10 Iomraidhean Croise

Matthieu 14:27

Ke loon’t né kuwe, Jésu ede de ede ne: – I ndai kêm si káng, i ɓeli lé è man kuwe.

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Matthieu 25:45

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke sei mbati rai se ngonn ke ndêin bè karé dann madennge’t nè nga ɓaa, è man kuwe á i rai se’m non tɔ.»

Matthieu 26:32

Nè loo ke d’a d’ade m’a m’unde loo tee dann njé ke koo’t ɓaa, m’a m’aw kété non si’t kêm ɓeekon ke Galilée.

Matthieu 28:16

Njékuwe-gir-Jésu ke dɔg-gidé-karé ɔti awi kêm ɓeekon ke Galilée dè mbal’t ke ndɔ ke Jésu unn ndu’n ade de le kade d’inge’n tutu nga.

Matthieu 28:5

Doo ke danrán ke Kuwe-ɓee ule’n nga ede dinyege ede nè: – Sei ɓaa, i ɓeli lé. Ma m’ger titeke sei sangi Jésu ke dé ɓer’n kàde kage-ke-dese’t nga.

Matthieu 28:7

Awi law-law edi njékuwe-girnge edi nè: «Jésu nga unde loo tee dann njé ke koo’t ɓá. An-in! è aw non si’t kété kêm ɓeekon ke Galilée. E á à è loo ke sei a kan-in nin tutu nú.» E ke nè á è tà ke man m’ede sei.

Matthieu 28:9

Jésu unde loo tee pan ke ra de’t ede de ede nè: – M’ra sei lapya. Dinyege nè agi ngɔr reei rann’t uwei nja’n, ɗɔyi nin.

Marc 16:7

Nè awi edi Pierre se njékuwe-gir-Jésuge ke rang titeke Jésu ndi aw kum’n ke Galilée non si’t kété non. A an-in Jésu kêm ɓeekon ke Galilée titeke ndɔ ke kété ede’n sei nga.

Jean 20:17

Jésu tel ede Marie ede nè: – Ɔde ra’m lé tede m’in m’aw ra Bɔm’t lé ɓai. Nè i ɓaa, i tel aw ede ngakonmge ede nè m’ndi m’aw ke ra Bɔ’m Nube’t. Bɔ’m Nube nga, è Bɔ si sei a, è Nube le si a tɔ.

Jean 6:20

Nè Jésu ede de ede nè: – Ebi’t ɓel, è man kuwe.

Nje Ke Rome 8:29

Njé ke Nube ger de kété ɓita unde nang nè ɓai nga, è ɔje kêmn’t kété mari ke desêin le tel de ke ngann’n le kade tooi asinan se Ngonn kêm’n Jésu. Nube ra titeke bè le kade Ngonn’n ee’n doo ke desêin ke inge riɓar le Nube dann kosdooge’t le Nube.