Matthieu 27:63 - Nouveau Testament en Gulay 2004

⁶³ – Ngar ke maje, kêm jé olé dè tà’t le njè libe kum dooge nè. Kété ke ndii’n se dè’n dɔ ɓai nga, è tam ede nè: «Ndɔ ke njékon’t mute ɓaa, m’a m’unde loo tee dann njé ke koo’t.»

Matthieu 27:63 Iomraidhean Croise

Matthieu 16:21

Unn gir kêm ndɔn’t nè nga, Jésu-Krist ede njékuwe-girnge ede nè: – Gar-gar m’a m’aw ke kêm ɓee-bò ke Jérusalem. Ngatɔgege se maw njékuje nyan-mesege a, se njéndang magtubge a tɔ, à rai se’m nyantosowur. D’ade tɔl’m nè ndɔ ke njékon’t mute ɓaa, m’a m’unde loo tee dann njé ke koo’t.

Matthieu 17:23

Dooge à tɔli man nè ndɔ ke njèkon’t mute ɓaa, m’a m’unde loo tee dann njé ke koo’t. Tà nè nga ade njékuwe-gir-Jésuge kêmkon ngain.

Matthieu 20:19

Dé nè nga, d’a d’in se’m ke kété kule’m ji dooge ke geri Nube lé le kade ulei mbe dèm’t. A undei man se ndêin a, à ɓeri man kàde kage-ke-dese’t a tɔ. Nè ndɔ ke njèkon’t mute ɓaa, man m’unde loo tee dann njé ke koo’t.

Matthieu 26:61

– Doo nè nga ndɔ ke tam ede nè: n’asekum tuju gile kei ke tò se ninn’n le Nube nga kɔke le tel ra rang dann ndɔ mute ke mute nè.

Matthieu 27:64

Unn ndui ade njérɔge ngonmi dè ɓade nè nga tchên sár ndɔ ke njékon mute, nè bainléa njékuwe-girége à reei kɔri ninné se ɓoge ɓaa, à teli kawi kedi kosdooge kedi nè: «Jésu nga unde loo tee dann njé ke koo’t ɓá.» E ke nè á è tà libe kum dooge ke à majelé ngain dum ke kété nga ɓai.

Matthieu 28:6

E goto loo ke nè ta, tede è unde loo tee dann njé ke koo’t titeke è tam’n kété nga. I reei an-in loo ke kété tò tutu nga.

Marc 10:34

Dooge ke dɔ à tulei mbe dèm’t a, à tibi yoro kum’t a, à tundei man se ndêin a, à tɔli man a tɔ. Nè ndɔ ke njèkon’t mute ɓaa, m’a m’unde loo tee dann njé ke koo’t.

Marc 8:31

Unn gir kêm ndɔn’t nè nga, Jésu ede njékuwe-girnge ede nè: – Man ke m’ee Ngonn doo nga, nyankêmkonge ngain à rai man. Ngatɔgege le Israel se njékɔrgir gute-nduge se maw njékuje nyan-mesege à utei man mbeng a, à tɔli man a tɔ. Ndɔ ke njèkon’t mute ɓaa, m’a m’unde loo tee dann njé ke koo’t.

Marc 9:31

Tede è ndi à ndó nyan njékuwe-girnge ede nè: – Man ke m’ee Ngonn doo nga, d’a d’uwe’m kule’m ji tɔgmong’t le dooge a, d’ade tɔl’m a tɔ. Ndɔ ke njèkon’t mute go kwei’t le’m ɓaa, m’a m’unde loo tee dann njé ke koo’t.

Tà ke Maje ke Luc ndang 18:31

Jésu ɓar njékuwe-girnge ke dɔg-gidé-joo rann’t ede de ede nè: – An-in! j’à j’awi ke kêm ɓee-bò ke Jérusalem. Nyan malang ke njéribe-dè-tàge ke tà Nube’t ndangi kêm magtubge’t ɔji dè’m man ke m’ee Ngonn doo nga aw loon’t deĵ.

Tà ke Maje ke Luc ndang 18:33

d’a tunde’m se ndêin jap-jap a, d’a tɔl’m a tɔ. Nè ndɔ ke njèkon’t mute ɓaa, m’a m’unde loo tee dann njé ke koo’t.

Tà ke Maje ke Luc ndang 23:2

Ke loon’t nè kuwe d’unn gir tête tà kunde tànn’t d’ede nè: – Doo nè nga j’inge’n dè ndi ke è ndi tur kum kosdooge le jé. E ede de le kade d’ɔge tir ngar César. Taɓai è ede nè: nè kuwe karé bere n’ee Krist ngar ke Nube ule se’n ade jéi.

Tà ke Maje ke Luc ndang 9:22

Taɓai è ede de ede nè: – Man ke m’ee Ngonn doo nga, gar-gar m’a m’inge nyantosowur. Ngatɔgege le juipge se maw njékuje nyan-mesege a, se njékɔrgir gute-nduge à adi d’ade ɓer’m kàde kage-ke-dese’t. Nè ndɔ ke njèkon’t mute ɓaa, m’a m’unde loo tee dann njé ke koo’t.

Jean 2:19

Jésu tel ile de dè’t ede nè: – I tuji gile kei ke tò se ninn’n le Nube nga kɔke ɓaa, m’a m’tel ra’n gugu kêm ndɔ mute karè.

Jean 7:12

Doobulege naji nan tà ngain dann de’t ɔji dè Jésu. Njé ke karége tami edi nè: – Jésu è doo ke njèra maje. Njé ke nange tami edi nè: – Ḿ-m̀, Jésu è njè libe kum doobulege.

Jean 7:47

Pharisienge teli deji de edi nè: – Ké sei kuwe géa adi dé libe kum si tɔ wa?

2 Nje Ke Corinthe 6:8

Doo ke nange ilei riɓar dè jé’t a, njé ke nange ilei rasɔl dè jé’t a tɔ. Doo ke nange têti tà undei tà jé’t a, njé ke tami tà le jé ke maje a tɔ. Doo ke nange an-in jè ke njé libe kum dooge nè jè tam ngarankum tà.