Matthieu 27:54 - Nouveau Testament en Gulay 2004

⁵⁴ Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Matthieu 27:54 Iomraidhean Croise

Matthieu 26:63

Nè Jésu an’n mar-mar anje kile de dè’t. Maw njèkuje nyan-mese tel deje Jésu ede nè: – Man m’deji se ri Nube ke njèndi kumgajer le kade ede jè ndàt: ké i nga i Krist Ngonn Nube kuwe wa?

Matthieu 27:36

Dé tel dé ndi nang d’ade ngonm Jésu.

Matthieu 27:40

– I ke njè tuju gile kei ke tò se ninn’n le Nube le tel ra’n gugu rang dann ndɔ mute’t nè kuwe, ke nè á i Ngonn Nube kerɔte ɓaa, i taa rai i kuwe tà yo’t, i rise nang kàde kage-ke-dese’t nè nga ade j’an ta.

Matthieu 27:43

N’unde kêmé dè Nube’t tchên. Ke nè á tur’n tedé kerɔte ɓaa, maje kade taayé tà yo’t ɗarinè ade j’an, tede ndɔ ke n’tam n’ede nè: «Man m’ee Ngonn Nube.»

Matthieu 27:51

An! tà kubu ke dé gang’n gile kei ke tò se ninn’n ribe danné loo joo, unn gir dɔ sár oso’n nang banjang. Ke loon’t nè kuwe, nang yei ɓuk-ɓuk a, herge njanrein danné ngangang-ngangang a tɔ.

Matthieu 4:3

E á njèkule kêm dooge age meen-meen ke rann’t ede nè: – Ke nè á i Ngonn le Nube kerɔte ɓaa, ade kuberi herge nè nga teli mapa ade use.

Matthieu 8:5

Jésu aw kêm ɓee-bò ke Capernaum. Njèkan dè njérɔge ke aru karé ree ra ndoo rann’t ede nè:

Marc 15:39

Njèkan dè njérɔge ke aru karé ke nda tàkum Jésu’t an’n loo ke tà’n tête’n nyonk nga, è tam ede nè: – Loo naje’n goto, doo nè nga è Ngonn Nube ke dagi kerɔte kuwe.

Tà ke Maje ke Luc ndang 22:70

Dé malang dé tel deje’n d’ede nè: – A ɓaa, ké i nga i Ngonn le Nube wa? E ile de dè’t ede nè: – I tami è kum, man Ngonn’n kuwe.

Jean 19:7

Juipge teli ilei Pilate dè’t edi nè: – J’aw se gute-ndu karé. Se go gute-ndu le jé nè nga ɓaa, d’a tɔlé gar-gar. Tede n’ee nga n’ra rayé ke Ngonn Nube kuwe njing.

Nyanra Njekawkulege 10:1

Dingem karé bè ndi kêm ɓee-bò ke Césarée, ri’n nè Corneille. E njèkan dè njérɔge ke aru karé. Njérɔge nè nga ei njérɔge le ɓeekon ke Italie.

Nyanra Njekawkulege 2:37

Loo ke kosdooge ooi tàge nè bè ɓaa, ɓengre de ayé gang dɔs. Dé deje Pierre se njékawkulege ke rang d’ede nè: – Ngakon jége, ké j’à ra bain ta wa?

Nyanra Njekawkulege 21:32

Ke loon’t nè kuwe, njèkan dè njérɔge ke aru dɔg ɔr njèkan dè njérɔge se njérɔge awi kalang loo ke kosdoo-bulege kebi nan tutu. Nè loo ke d’an njèkan dè njérɔge ke aru dɔg se njérɔge ɓaa, d’ebe ra de dè kunde Paul’t.

Nyanra Njekawkulege 23:17

Paul ɓar njèkan dè njérɔge ke aru karé ede’n ede nè: – Ngonn ke basa nè nga aw se tà karé le kede njèkan dè njérɔge ke aru dɔg. Aw se’n rann’t.

Nyanra Njekawkulege 23:23

Ke loon’t nè kuwe njèkan dè njérɔge ke aru dɔg ɓar njékan dè njérɔge ke aru karé joo ede de ede nè: – Uwei dè nja njérɔge aru joo a, njé sindege kɔr-ji sejimute a, njérɔge se ningege aru joo a tɔ. Adi ei malang ndii dè nja de’t tchên le kade awi kêm ɓee-bò ke Césarée se kàde ke jisɔ-jimi ke ndɔɔ.

Nyanra Njekawkulege 27:1

D’ɔje njáng le kade d’aw se jé kêm ɓeekon ke Italie se bato. D’um Paul se dangaige ke nange ke rang ji njèkan dè njérɔge ke aru karé ke ri’n nè Julius. E njèkan dè njérɔge le César Auguste.

Nyanra Njekawkulege 27:43

Nè Julius, njèkan dè njérɔge ke aru karé ɔje kêm’n le kaje Paul. E ɔge de dè nyan ke d’ɔje le ra. E unn ndu’n ade njé ke geri kalèi mann le kade alèi mann teei nata kété.

Nje Ke Rome 1:4

Dé ger’n ke Ngonn le Nube se go Ndil-Kêmnda. Nube ade’n tɔgmong ade unde’n loo tee’n dann njé ke koo’t.

Lookilera’n 11:13

Ke loon’t nè kuwe, nang yei ɓuk-ɓuk. Debe ɓee-bò ke karé dann ke dɔg’t ɔr oso. Loo ke nang yei ɓuk-ɓuk nga, dooge aru dɔg loo ji sejimute weii kabak. Ɓel unde gute dooge ne nan-in ndàt gang de ade teli ulei ndubra dè Nube’t ke ndi danrán.