Matthieu 27:4 - Nouveau Testament en Gulay 2004

⁴ E ede de ede nè: – M’ra majelé tede m’ule è ke tà uwe dè’n lé ji si’t. Nè njékɔr non Juipge edi Judas edi nè: – Usu jè nyan karé lé ta. E tà kingei i kuwe.

Matthieu 27:4 Iomraidhean Croise

Matthieu 27:19

Loo ke Pilate ndi nang dè ɗinger loo gangtà’t ɓaa, neen’n ule doo karé rann’t ede nè: – Ile tài tu tà’t le njè ra nyan se dè naje’n nè nga lé. Ndɔɔ laa m’nin se’n tò ɓel ngain.

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Tà ke Maje ke Luc ndang 23:22

Pilate deje de ke njèkon’t mute ede nè: – Ké ri á è majelé ke doo nè ra wa? Man m’an nyan karé ke ase kade inge’n yo weii’n lé. M’a m’ade d’a d’ɔje’n kumkunju se ndêin ɓita m’a m’ade d’inye’n dɔ ɓai.

Tà ke Maje ke Luc ndang 23:41

Jè sei ɓaa tà ke dé gang dè jé’t nga è kum kuwe. Tede è kure nyan ra jé á ɔde kum jé. Nè è nè nga, ra nyan karé bè ke majelé lé.

Tà ke Maje ke Luc ndang 23:47

Loo ke kuwe njérɔge ke njèkunn dè de an nyange ke teei nè bè ɓaa, è ule ndubra dè Nube’t ede nè: – Loo naje’n goto, doo nè nga è doo ke danné sêw kuwe.

Jean 19:7

Juipge teli ilei Pilate dè’t edi nè: – J’aw se gute-ndu karé. Se go gute-ndu le jé nè nga ɓaa, d’a tɔlé gar-gar. Tede n’ee nga n’ra rayé ke Ngonn Nube kuwe njing.

Nyanra Njekawkulege 13:28

D’inge tà karé bè le gang’n tà yo dè Jésu’t lé. Nè né è bè géa, dé deje Pilate le kade ade dé tɔl’n.

Nje Ke Rome 3:19

Tàge malang ke gute-ndu tam nga, jè ger titeke è tam ɔje’n dè njé ke ndii gir gute-ndu’t. Doo karé à teen tà’n le tam’n tà dè rann’t lé. Dooge malang ke dè nang nè nga, tà uwe dè de non Nube’t.

1 Timothee 4:2

Njé ke nange à ei njé tà lanmge se njékede gosge le súi made dege kade ndemi. Njé tà lanmge se njékede gosge nè nga tàgir le de ke kem̂ de’t wei mɔk-mɔk tite dò ke tɔl se nar nyan ke kule poro kade ker mbon bè.

Tite 1:16

Dooge nè nga tami edi nè: N’geri Nube, nè nyanra de ɔrgir de titeke dé ger Nube ndan lé. Dooge nè nga ei dooge ke tooi yêr tàkum Nube’t. Dé njé dum nange, d’ase ra nyan ke maje karé bè géa lé.

Hebreuge 7:26

Jésu nga è maw njèkuje nyan-mese ke j’awi ndoo’n. E tò se ninn’n gai, tà karé géa uwe dè’n lé a, nyan ke mine karé géa ɓar ri’n lé a tɔ. E ɔr ra’n ndi mbeng se njé ra majelége a, Nube unn’n unde’n dɔ mbeng dè nyange’t malang a tɔ.

1 Pierre 1:19

Nè Nube uge dè si se mese Krist ke nar’n ur kugu. Krist nga tò asenan se ngonn bate ke gel’n goto a, ra’n ɔr ɓál lé a tɔ.

1 Jean 3:12

Ade jèi tite Cain bè lé. Cain nga ndo ke è doo le njè kem̂ majelé. Gir’n ke nè á ndɔ ke uje’n kɔbe ngokon’n. Ké ri á è gir kade ndɔ ke uje’n kɔbe ngokon’n wa? E uje kɔbe ngokon’n tede nyanra’n ke majelé, nè nyanra ngokon’n á è se dè naje’n.

Lookilera’n 11:10

Dooge ke ndii dè nang nè à rai ranel tede kwei le de a, à ali ra de ngain a tɔ. Taɓai à ulei se nyange kuwei noje se nan ke yo ke nè, tede njéribe-dè-tàge ke tà Nube’t ke joo nè nga, ei njé kade kem̂ dooge ke nang nè olé bɔt-bɔt.