Matthieu 27:37 - Nouveau Testament en Gulay 2004

³⁷ Dé ndang gir tà ke d’ile’n tà dènn’t kade kage-ke-dese’t, dènn’t dɔ d’ede nè: «Doo nè nga è Jésu, ngar le Juipge.»

Matthieu 27:37 Iomraidhean Croise

Matthieu 27:38

Dé ɓer gon-ɓogege joo se’n nan’t. Dé ɓer è ke karé dè jikonn’t a, è ke karé dè jigeln’t a tɔ.

Matthieu 27:42

Njékuje nyan-mesege tami edi nè: – Ndɔ ke n’aje njé ke rang nè n’ase kaje rayé n’ee kuwe lé. Ke nè á n’ee ngar le Israelge kerɔte ɓaa, maje kade n’rise nang kade kage-ke-dese’t ɗarinè n’ade j’an ɓaa, j’à j’um kêm jé dèyé’t.

Marc 15:26

Dé ndang tàge kêm begre nyan’t, dé ɓer dɔ dènn’t d’ɔr’n gir nyan ke ade dé ɓer’n kade kage-ke-dese’t nga d’ede nè: Doo nè nga, è «Ngar ke bò le Juipge.»

Tà ke Maje ke Luc ndang 23:38

Taɓai ei ndangi tà nè tà kage-ke-dese’t dènn’t dɔ edi nè: – E nè nga è ngar le Juipge.