Matthieu 27:31 - Nouveau Testament en Gulay 2004

³¹ Loo ke njérɔge ulei mbe dè Jésu’t ase de ɓá ɓaa, ɔri kubu le de ke bòi yul ke ker perm-perm ke kété ulei rann’t kɔke. Go’t gugu ei teli tulei nin kubu le’n pa ɓita awi se’n le tɔl’n kàde kage-ke-dese’t ɓai.

Matthieu 27:31 Iomraidhean Croise

Matthieu 20:19

Dé nè nga, d’a d’in se’m ke kété kule’m ji dooge ke geri Nube lé le kade ulei mbe dèm’t. A undei man se ndêin a, à ɓeri man kàde kage-ke-dese’t a tɔ. Nè ndɔ ke njèkon’t mute ɓaa, man m’unde loo tee dann njé ke koo’t.

Matthieu 21:39

D’uwe’n dé ndɔr’n d’aw se’n ngang ndɔr nduu’t nata, dé tɔl’n.

Matthieu 26:2

– Sei geri titeke nain ndɔ joo ɓaa à è ndɔ ra nan Paque. Man ke m’ee Ngonn doo nga, d’a d’uwe’m kule’m ji dooge ke geri Nube lé tede kàde ɓeri man dɔ kàde kage-ke-dese’t.

Marc 15:20

Loo ke njérɔge ulei mbe dènn’t ase de ɓá ɓaa, ei ɔri kubu ke ker perm-perm ke kété ulei rann’t nè nga kɔke tel ulei nin kubuge le’n rann’t gugu. Go’t gugu ɓita ei ndɔri Jésu awi se’n ngang loo’t nata le tɔl’n ɓai.

Jean 19:16

Pilate ule Jésu ji Juipge’t le kade njérɔge awi se’n ɓeri nin kàde kage-ke-dese’t. Njérɔge uwei Jésu awi se’n.

Jean 19:27

Go’t gugu, è ede njèkuwe-gir’n nè nga ede nè: – An koin. Unn gir kêm kàdenn’t nè kuwe, njèkuwe-gir-Jésu nè aw se kon Jésu ɓee rann’t ngonm’n.

Nyanra Njekawkulege 7:58

Dé d’ɔr’n ndalang-ndalang d’aw se’n gide ɓee-bò’t nata, dé tile’n se kuberi her mbás-mbás. Njé ke ndai loon’t an-in se kum de nga, ei tɔri kubuge le de umi nang nja basa karé bè ke ri’n nè Saul.

Hebreuge 13:12

Gir’n ke nè á Jésu géa weii’n gide ɓee-bò ke Jérusalem nata tede kade mese’n ɔr’n kosdooge unde de se ninn de gai.