Matthieu 27:26 - Nouveau Testament en Gulay 2004

²⁶ Titeke bè Pilate ɔr Barabbas inye’n dɔ ade de. Nè Jésu ɓaa, ade d’unde’n se ndêin maru dàp-dàp ɓita ule’n ji de’t le kade d’aw se’n dé ɓer’n kàde kage-ke-dese’t ɓai.

Matthieu 27:26 Iomraidhean Croise

Matthieu 20:19

Dé nè nga, d’a d’in se’m ke kété kule’m ji dooge ke geri Nube lé le kade ulei mbe dèm’t. A undei man se ndêin a, à ɓeri man kàde kage-ke-dese’t a tɔ. Nè ndɔ ke njèkon’t mute ɓaa, man m’unde loo tee dann njé ke koo’t.

Marc 10:34

Dooge ke dɔ à tulei mbe dèm’t a, à tibi yoro kum’t a, à tundei man se ndêin a, à tɔli man a tɔ. Nè ndɔ ke njèkon’t mute ɓaa, m’a m’unde loo tee dann njé ke koo’t.

Marc 15:15

Pilate ndige le kade ra doobulege nel de. Gir’n ke nè á è ɔr’n Barabbas inye’n dɔ. E ade njérɔge undei Jésu se ndêin maru pa ɓita ule’n ji de’t le kade awi se’n ɓeri nin kàde kage-ke-dese’t ɓai.

Tà ke Maje ke Luc ndang 23:16

Bè ɓaa, m’a m’ade d’ɔje’n kumkunju se ndêin ɓita m’a m’ade d’inye’n dɔ ɓai. [

Jean 19:1

Pilate unn ndu’n ade d’aw se Jésu d’unde’n se ndêin maru.

Jean 19:16

Pilate ule Jésu ji Juipge’t le kade njérɔge awi se’n ɓeri nin kàde kage-ke-dese’t. Njérɔge uwei Jésu awi se’n.

1 Pierre 2:24

Krist nga oto majelége le jéi dènn’t aw’n weii’n kade kage-ke-dese’t tede kade j’ebi ra jéi dè ra majelége’t le jéi le teli ndii kumgajer ɔje dè nyanra ke se dè naje’n. Takul dòge ke è inge rann’t á j’aji.