Matthieu 27:21 - Nouveau Testament en Gulay 2004

²¹ Pilate njèkonɓee tel unn tà deje de ɓai ede nè: – Dooge ke joo nè nga, ké nan dann de’t á sei i ndigi kade m’inye’n dɔ m’ade sei wa? Dé tel d’ile’n dè’t d’ede nè: – Barabbas á j’è ndige kade inye’n dɔ ade jè.

Matthieu 27:21 Iomraidhean Croise

Matthieu 27:17

Loo ke Pilate an doobulege ɔsi nja nan nam-nam ɓaa, è deje de ede nè: – Ké nan sei i ndigii kade m’inye’n dɔ m’ade sei wa? Ké sei i ndigi Barabbas éké Jésu ke dé ɓar’n Krist nga wa?

Matthieu 27:20

Maw njékuje nyan-mesege se ngatɔgege le kosdooge ke Israel umi tà kêm doobulege’t le kade deji Pilate ade inye Barabbas tá dɔ ade de, nè Jésu ɓaa ndigi le kade dé tɔl’n kɔke.

Matthieu 27:22

Pilate tel deje de kuwe ɓai ede nè: – A ɓaa, ké ri á m’a ra se Jésu ke dé ɓar’n Krist nga wa? Dé malang dé tel d’ile’n dè’t d’ede nè: – Maje kade ade dé ɓer’n kàde kage-ke-dese’t.

Tà ke Maje ke Luc ndang 20:14

Nè loo ke njéra kule kêm ndɔr nduu’t nè nga an-in nin ɓaa, ei unni gir kɔti nan tà edi nè: «An-in! njèkɔi nyan-ndube ke ndɔ ke rang nga aw nè. I reei ade jè tɔlii ɓaa, ndɔr nduu nè nga à tel k’ee nyan-ndube le jéi jèi kuwe.»

Tà ke Maje ke Luc ndang 23:13

Pilate ɓar maw njékuje nyan-mesege se njékɔr non dooge a, se kosdooge a tɔ, ɔse nja de nan’t.