Matthieu 27:2 - Nouveau Testament en Gulay 2004

² Loo ke adi d’uwe’n dé tɔ’n ɓá ɓaa, adi d’aw se’n d’ule’n ji Pilate njèkonɓee’t.

Matthieu 27:2 Iomraidhean Croise

Matthieu 20:19

Dé nè nga, d’a d’in se’m ke kété kule’m ji dooge ke geri Nube lé le kade ulei mbe dèm’t. A undei man se ndêin a, à ɓeri man kàde kage-ke-dese’t a tɔ. Nè ndɔ ke njèkon’t mute ɓaa, man m’unde loo tee dann njé ke koo’t.

Matthieu 28:14

Ke nè á tà nè nga oso mbi njékonɓee’t ɓaa, jè kuwe j’à ger loo k’ee der gir si kade kêm si too’n lom.

Tà ke Maje ke Luc ndang 13:1

Kêm ndɔ ke dooge d’ade ra nyankuje-mese nga, njèkonɓee Pilate ade dé tɔl dooge ke Galilée d’ade mese de pɔtinan se le nyankulge ke dé tɔl de. Dooge ke nange reei ra Jésu’t edii tà nè.

Tà ke Maje ke Luc ndang 20:20

Unn gir kêm ndɔn’t nè nga, njékɔrgir gute-nduge se maw njékuje nyan-mesege an-in dè Jésu dɔ-dɔ. Dé ndige le kule’n ji tɔgmong’t le César, ngar ke bò ke ɓeekon ke Rome, le kade gangtà dènn’t. Gir’n ke nè á d’ɔr’n dooge ke njéra gosge se go ngein d’uge de se nar le kade ndoin tà Jésu se tà deje.

Tà ke Maje ke Luc ndang 23:1

Go’t gugu ɓaa dé malang ke d’ɔse nja nan nam-nam nè nga, d’ɔse nang d’in se Jésu d’aw se’n non ngar Pilate’t.

Tà ke Maje ke Luc ndang 23:12

Hérode se Pilate nga kété ei njébange le nan. Nè kêm ndɔn’t nga ei teli ei made nange.

Tà ke Maje ke Luc ndang 3:1

Ngar ke bò, Tibère César on ɓee ɓal dɔg-gidé-mi. Ngar Ponce Pilate on ɓee dè nang’t le Juda. Ngar Hérode Antipas on ɓee dè nang ke Galilée. Kêm ɓalnge’t nè nga, ngar Philippe ngokon Hérode Antipas ke tɔg on ɓee dè nang ke Iturée se Trakonite. Ngar Lysanias è njèkonɓee ke dè nang ke Abilène a tɔ.

Jean 18:12

Njèkan dè njérɔge ke aru dɔg se njérɔge le’n a, se ngann njé ngonm looge le Juipge uwei Jésu tɔi nin njanm-njanm.

Jean 18:24

Hanne in se Jésu ke kété ule se’n ra Caiphe, maw njèkuje nyan-mese’t se kule ke dé tɔ’n nga jinn’t mɔngong ɓai.

Jean 18:28

Njékɔr non Juipge in-in se Jésu ra Caiphe’t se ndɔgé ɓat awi se’n kêm kei le Pilate njèkonɓee. Juipge ke awi se’n nga, ilei nja de kêm kei lé. Ei ndigi le kade ra de mine lé tede le kuse’n nyan nan Paque.

Nyanra Njekawkulege 12:6

Barè lookar’n Hérode ayé tee se’n nata le gangtà dènn’t tàkum kosdooge’t malang. Kêm ndɔ’n nè nga, dé tɔ ji Pierre se sul ɓita too’n ɓi dann njérɔge joo. Tabai d’ade njérɔge ke rang ndai à ngonmi tà kei dangai.

Nyanra Njekawkulege 21:33

Njèkan dè njérɔge ke aru dɔg age ngɔr ke ra Paul’t ade d’uwe’n. E unn ndu’n ade dé tɔ’n se sul joo ɓita, go’t gugu è deje ede nè: – Ké doo nè nga è nan wa? Ké ra ri wa?

Nyanra Njekawkulege 22:25

Nè loo ke dé tɔ Paul d’ile’n nang le kunde’n ɓaa, è deje njèkan dè njérɔge ke aru karé ke nda à ra kule kêm ndɔn’t nè ede nè: – Doo ke è ngonn ɓee ke Rome ke dé gangtà dènn’t lé ɓai nga, ké d’unn ndu de kade undei nin se ndêin maru wa?

Nyanra Njekawkulege 22:29

Ke loon’t nè kuwe njé ke d’ayé kunde Paul se ndêin tá le deje’n tà nga, d’in kengeng dènn’t kɔke. Nè loo ke njèkan dè njérɔge ke aru dɔg oo titeke Paul è ngonn ɓee ke Rome ke kon’m ɓéee ɓaa, ɓel unde’n ndàt gang’n tede è ade dé tɔ’n se sul njanm-njanm.

Nyanra Njekawkulege 24:27

Lo joo go’t ɓaa, dé taa konɓee ji Félix’t d’ade Porcius Festus. Félix inye Paul dangai’t tede le taa’n kum Juipge.

Nyanra Njekawkulege 28:20

Gir’n ke nè á m’ɓar’n sei le kan’n sei a, le kede’n sei tà’n a tɔ. E tede nyan ke kosdooge ke Israel undei kêm de tchên ke dè’t á ɓila m’nda’n se sulge jim’t yew-yew.

Nyanra Njekawkulege 3:13

Nube le kà jéige Abraham, Isaac se Jacob ule ndubra dè Jésu Ngonn njèkule’t le’n. Jésu nga, sei ulei nin ji njékonɓeege’t a, i naji se ra si dènn’t tàkum Pilate’t a tɔ; nè è an titeke kinye Jésu dɔ è soo’t.

Nyanra Njekawkulege 4:27

Kerɔte kuwe, Hérode Antipas se Ponce Pilate umi nan’t bɔk se dooge ke ei Juipge lé se kosdooge ke Israel ke ndii kêm ɓee-bò’t nè nga, le kin-in se ngonn njèndi lei Jésu ke i kuwe i ndum wubu dènn’t unde’n se ninn’n.

Nyanra Njekawkulege 9:2

deje’n magtubge tede kaw’n kêm kei kebe nange’t kêm ɓee-bò ke Damas. Saul ra titeke bè tede kade ke nè á inge dingemge éké dinyege ke nange ke unni rebe le Kuwe-ɓee Jésu ɓaa, ayé tuwe de, tɔ de ree se de kêm ɓee-bò ke Jérusalem.

1 Timothee 6:13

M’unn ndu’m m’adi non Nube’t ke è ngire ndikumgajer le nyange malang a, se non Jésu-Krist’t ke ndɔ ke ɔrgo tà maje ngain tàkum ngar Ponce Pilate’t:

2 Timothee 2:9

E tede Tà ke Maje nè nga m’inge’n nyankem̂konge sár ade dé tɔɔ’m se sul tite njè ra majelé bè. Nè né è bè géa, tà le Nube ɓaa dé tɔ’n lé.

Hebreuge 13:3

Adi kem̂ si olé dè njé ke tooi dangai’t titeke sei géa, sei dangaige se de nan’t bè tɔ. Adi kem̂ si olé dè njé ke dé ra kum de ndoo tite sei géa, sei danra ke karé se de nan’t a tɔ.