Matthieu 26:75 - Nouveau Testament en Gulay 2004

⁷⁵ Kêm Pierre olé dè tà ke ndɔ ke Jésu ede’n kété ede nè: «Kété ɓita kade kuren kunje non kɔkerɔ kon nga, a i naje se rai dèm’t ase nja mute.» Pierre unde loo tee nata non ɓɔkl-ɓɔkl.

Matthieu 26:75 Iomraidhean Croise

Matthieu 10:33

Nè doo ke rara ke naje se ra’n dèm’t non dooge’t ɓaa, man géa man m’naje se ra’m dènn’t non Bɔ’m ke danrán a tɔ.

Matthieu 26:34

Jésu tel ile’n dè’t ede nè: – Man m’edi ndàt, dann ndɔɔ nè kuwe a i naje se rai dèm’t nja mute ɓita kuren kunje à non kɔkerɔ kon ɓai.

Matthieu 26:74

E á Pierre unn gir mann ra’n dap-dap ede nè: – Naje, doo le si non nga m’ger’n lé njing. Ke loon’t nè kuwe kuren kunje non kɔkerɔ kon.

Jean 13:38

Jésu tel deje Pierre ede nè: – Ké a ile rai kɔke tede’m wa? Kerɔte kuwe, man m’edi ndàt, a i naje se rai dèm’t nja mute ɓita kuren kunje à non kɔkerɔ kon ɓai.

1 Nje Ke Corinthe 4:7

Ké nan adi i tò gai dann madige’t wa? Ké ri á i kuwe inge se dè rai nal kade Nube kuwe á adi wa? Ke nè á nyan malang ke inge nga è Nube kuwe á adi ɓaa, ké tede ri á unde’n kàdi titeke è i kuwe á inge se dè rai bè wa?

Nje Ke Galatie 6:1

Ngakonmge, ke nè á uwei doo karé dè ra nyan ke se go rebenn’t lé ɓaa, sei ke i njiyei se go Ndil-Kem̂nda ɓai nga, i gɔli nin ilei nin rebe ke danné se ndu noje. Sei géa, kem̂ si dè ra si’t nè bainléa a teli rai majelé se’n tɔ.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.