Matthieu 26:67 - Nouveau Testament en Gulay 2004

⁶⁷ Ke loon’t nè kuwe d’unn gir tibe yoro kumn’t a, dé tunde mbɔr’n njanm-njanm a, njé ke nange ɓiri ji de tɔsi nin tɔlɔk-tɔlɔk a tɔ edi nè:

Matthieu 26:67 Iomraidhean Croise

Matthieu 26:68

– Krist, ede jè, ké nan undei non wa?

Matthieu 27:30

Dé tibe yoro kumn’t a, dé taa kage ke tà ɗuge ke jinn’t dé tunde’n dè’n vbak-vbak a tɔ.

Matthieu 5:39

Man m’ede sei ndàt, doo ke ndige ra se si majelé nga, ilei rɔ adii lé. Loo ke doo karé unde mbɔri ke kon ɓaa, i tur è ke karé rang ade’n unde tɔ.

Marc 10:34

Dooge ke dɔ à tulei mbe dèm’t a, à tibi yoro kum’t a, à tundei man se ndêin a, à tɔli man a tɔ. Nè ndɔ ke njèkon’t mute ɓaa, m’a m’unde loo tee dann njé ke koo’t.

Marc 14:65

Njé ke nange unni gir tibi yoro kum Jésu’t a, labi ji de kumn’t a, ɓiri ji de tundei nin a, taɓai ei deji nin edi nè: – Ede jè ri doo ke njè kundei. Njé ngonm tà looge géa tundei mbi Jésu njanm-njanm a tɔ.

Marc 15:19

Dé tunde dè Jésu se kage vbak-vbak a, dé tibe yoro kumn’t a, d’ɔse keje de nang nonn’t titeke d’ile koje dènn’t bè. Dé ra se’n nyange malang d’ade nan gute-gute.

Jean 18:22

Loo ke njè ngonm tà kei le Nube nda oo tàge ke Jésu tam nè bè baa, unde mbɔr’n se ji’n njanm ede nè: – Ké maw njèkuje nyan-mese kuwe ile’n dè tà’t titeke bè wa?

Jean 19:3

Dé ree ngɔr ke rann’t d’ede’n d’ede nè: – Lapya ta ngar le Juipge. Dé tunde mbɔr’n se ji de njanm-njanm tɔ.

1 Nje Ke Corinthe 4:13

Dooge têti tà undei tà jé’t, nè jè sɔl kêm de sár ɗarinè, d’an jè asenan se ɓirɓite le dooge ke dè nang nè a, d’an jè tite nyeen-nyan ke dé ɓuku kɔke bè a tɔ.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.