Matthieu 26:58 - Nouveau Testament en Gulay 2004

⁵⁸ Pierre ndolè goo’n nè ade dann de heb ɗêk ndêin sár aw’n kêm geng’t le maw njèkuje nyan-mese. E tête ra’n ndi nang se ngann njéndige le Caiphe tede le kan girson nyan ke d’ayé ra se Jésu.

Matthieu 26:58 Iomraidhean Croise

Matthieu 26:3

Maw njékuje nyan-mesege se dooge ke kum de unju dann kosdooge ke Israel ɔsi nja nan nam-nam kêm geng’t le maw njèkuje nyan-mese ke ri’n nè Caiphe.

Matthieu 5:25

Ute rai kalang um nan’t se njèkɔse sei tà loo ke sei se’n i nain rebe ɓai. Nè bainléa à aw sei non njègangtà’t, njègangtà à ulei ji paja’t le’n kade aw sei ilei dangai’t njing.

Tà ke Maje ke Luc ndang 22:54

D’uwe Jésu d’aw se’n kêm kei le maw njékuje nyan-mesege. Pierre ndolè goo’n nè ade dann de heb ɗêk ndêin.

Jean 18:25

Simon Pierre ndi gutenn’t à ɔde nan ndibe por kuwe ɓai. Dé deje’n d’ede nè: – Ké i géa i ke dann njékuwe-gir doo nyan le doo’t nè nga tɔ lé wa? Pierre naje se ra’n ede nè: – Ḿ-m̀, man m’ee ke dann de’t lé.

Jean 19:6

Loo ke maw njékuje nyan-mesege se pajage le de an-in Jésu pan ɓaa, ei rai nyan wuu edi nè: – I ɓeré kade kage-ke-dese’t! I ɓeré kàde kage-ke-dese’t! Pilate tel ede de ede nè: – Sei kuwe i taai n’ee awi i ɓeri n’ee kàde kage-ke-dese’t tede man ɓaa, m’an tà karé ke uwe dèyé lé.

Jean 7:32

Tàge ke doobulege kɔti nan ɔje dè Jésu nga oso mbi Pharisienge’t. Maw njékuje nyan-mesege se Pharisienge ulei njérɔge le kade uwei nin.

Jean 7:45

Njérɔge teli reei ra maw njékuje nyan-mesege se Pharisienge ji de karè. Ei deji de edi nè: – Ké bain á uwei n’ee i reei seyé lé wa?

Nyanra Njekawkulege 5:22

Nè loo ke njé ngonm tà kei le Nube reei teei kêm kei dangai’t ɓaa, ei ingei njékawkulege nga lé. Ke loon’t nè kuwe, ei ɔsi wan teli dè nja de’t awi ɔri go nyange malang adi njégangtàge, edi nè:

Nyanra Njekawkulege 5:26

Ke loon’t nè kuwe, njèkan dè njé ngonm tà keige le Nube aw se dooge le’n uwei njékawkulege teli reei se de jêke^ karè nal ra se de nyan, tede ɓeli edi nè bainléa kosdooge à kin-in tilei de se kuberi her tɔli de.