Matthieu 26:53 - Nouveau Testament en Gulay 2004

⁵³ Ké i gir kêmi’t titeke ɗarinè m’asekum ɓar Bɔ’m kade din-in’m se kos njérɔge ke asi aru dɔg loo kɔr-mute-mute nga lé wa?

Matthieu 26:53 Iomraidhean Croise

Matthieu 25:31

Loo ke man ke m’ee Ngonn doo m’a m’tel ree se dooge ke danrán malang dann ndubra’t le’m, kêm ndɔn’t nè nga m’a m’al ɗáng ndi dè kutu-ngar’t le’m.

Matthieu 4:11

Sú ɔr ra’n ra Jésu’t kɔke ɔte aw. An! ke loon’t nè kuwe, dooge ke danran reei rann’t rai nyan adi nin.

Marc 5:15

Loo ke dooge reei ra Jésu’t ɓaa, ei teri dingem ke kété kos ndilge ke majelé undei loo teei kêmn’t nga. Kum’n tel tête rɔk ade tule kubuge rann’t ndii’n maje pêt-pêt. Ɓel unde dooge ndàt gang de.

Marc 5:9

Jésu deje dingem nè nga ede nè: – Ké ri è nan wa? E ile’n dè’t ede nè: – Ri’m nè «kos njérɔge», tede jè bule ngain.

Tà ke Maje ke Luc ndang 8:30

Jésu deje dingem nè nga ede nè: – Ké rii nè nan wa? E tel ile’n dè’t ede nè: – Ri’m nè «kos njérɔge.» E tam tà nè nga titeke bè tede ndilge ke majelé ke ndii kêmn’t nga bulei ngain.

Jean 10:18

Doo karé ke asekum tɔl’m se dè ra’n goto, nè man kuwe m’inye ra’m m’ade yo. M’aw se tɔgmong le kinye ra’m kade yo a, m’aw se tɔgmong le tel ndi kumgajer gugu a tɔ. E ke nè á è nyan ke Bɔ’m unn’n ndu’n ade’m le kade’m m’ra.

Jean 18:36

Jésu ile Pilate ede nè: – Konɓee le’m è ke nang nè lé. Ke nè á konɓee le’m è ke dè nang nè ɓaa, pajage le’m ayé kan-in rɔ dèm’t kade d’ule’m ji Juipge’t lé. Kerɔte kuwe, konɓee le’m è ke dè nang nè lé.

2 Nje Ke Thessalonique 1:7

Sei ke dé ra se si nyantosowurge nè nga, ndɔ ke kuwe jéi Jésu à in danrán le kunde loo tee pan se dooge le’n ke njé tɔgmong-ge ɓaa, Nube à ade a i taai kebe se jé nan’t tɔ.

Jude 1:14

Hénok ,ngonnkà dɔg Adam ke njèkon’t ji sejimute nga, ndɔ ke tam tà kété mari ɔje’n dè de ede nè: «An-in! Kuwe-ɓee à ree se dooge le’n ke danrán aru dɔg loo bule,