Matthieu 26:52 - Nouveau Testament en Gulay 2004

⁵² Ke loon’t nè kuwe Jésu ede doo nè nga ede nè: – I tel se kuye kaskar lei ule kêm sabann’t gugu jêke^. Kerɔte kuwe, njé ke unni kuye kaskar rɔi nga à weii yo kuye kaskar tɔ.

Matthieu 26:52 Iomraidhean Croise

Matthieu 5:39

Man m’ede sei ndàt, doo ke ndige ra se si majelé nga, ilei rɔ adii lé. Loo ke doo karé unde mbɔri ke kon ɓaa, i tur è ke karé rang ade’n unde tɔ.

Nje Ke Rome 12:19

Ngakonmge ke m’tár sei, i dali ban le si sei kuwe se dè ra si lé. Nè inyei loo adi Nube kuwe gangtà dè njé ra sei majelége, tede Kuwe-ɓee Nube kuwe tam kêm Magtub ke tò se ninn’n ede nè: «Dalban nga ɔje dè’m, è man kuwe á m’a kade kure nyanra nanan géa à ɔde kum’n.»

1 Nje Ke Thessalonique 5:15

Kem̂ si dè ra si’t le kade doo karé bè géa tel ra majelé se doo ke rang gute made’t lé. Nè ɔri nja nyan ke maje tênn-tênn i rai se nan a, i rai se dooge ke rang malang a tɔ.

1 Pierre 3:9

I rai majelé se doo gute majelé ke ra se si’t lé a, i teli taji doo ndu ke taje sei nga lé a tɔ. Nè i tɔri ndu si dè dooge’t tede sei nga Nube ɓar sei kade ingei ndutɔr.

Lookilera’n 13:10

Doo ke d’uwe dè nja dangai d’ɔje’n dè’n ɓaa, à aw dangai’t kuwe. Doo ke d’ɔje kade wei yo kuye kaskar ɓaa, à kwei yo kuye kaskar kuwe gar-gar. Gir’n ke nè á, maje kade dooge le Nube ke tooi se ninn de oréi tà njak dè kundekem̂ dè Nube’t le de.

Lookilera’n 16:6

Ndɔ ke dooge umi mese njétaakem̂-Kristge se njéribe-dè-tàge lei nang. Ɗarinè, i ade de mese kade d’an-in tɔ ta. Mese ke ade de ade d’an-in nga, è kure nyanra de kuwe á unde’n nja de.»