Matthieu 26:5 - Nouveau Testament en Gulay 2004

⁵ Nè ei tami edi nè: – E tà le kuwe’n tàkum dooge ndɔ ra nan’t lé, tede kosdooge à in-in se jéi se tà.

Matthieu 26:5 Iomraidhean Croise

Matthieu 14:5

Hérode ndige le kade d’ade kum Jean udu. Nè è ɓel kum doobulege tede an-in Jean ke njèribe-dè-tà ke tà Nube’t.

Matthieu 21:26

A ke nè á j’edi nè: «Gir’n in ra dooge’t» ɓaa, a in-in se jéi se tà tede dooge malang an-in Jean ke njèribe-dè-tà ke tà Nube’t.

Matthieu 27:24

Loo ke Pilate an titeke nyan ke soo’t goto nè doobulege rai nyan wuu ke kété-kété ɓaa, è unn mann togo’n ji’n tàkum dooge’t malang ede nè: – Man ɓaa, tà le mese njè ra nyan se dè naje’n nè nga uwe dè’m man lé. E tà le si sei kuwe.

Marc 14:12

Dé tɔl ngann batege le ra’n nyankuse. E nyankuse ke olé kêm ngannkà Israel dè ndɔ ke Nube gang’n dè de. Barè lookar’n à è ndɔ ke desêin le nan ke ɔje dè mapage ke anje pululu. Njékuwe-gir-Jésuge deji nin edi nè: – Ké loo ke ra i ndige kade j’aw tutu, j’uwe dè nja nyankusei wa?

Marc 14:2

Ei edi nan edi nè: – Gar-gar ade j’adi d’uwé, dé tɔlé se go ngein nè bainléa kosdooge ke reei loo ra nan’t nè à in-in rɔi se jéi.

Marc 14:27

Jésu ede njékuwe-girnge ede nè: – Sei malang a teli tɔri naji se ra si dèm’t. Tede dé ndang kêm magtub’t d’ede nè: «M’a kunde njèkul batege mbas tɔl’n. Batege à an-in a, à yali nan biriri ke looge’t.»

Tà ke Maje ke Luc ndang 20:6

Ke nè á jè tami j’edi nè: «Ndukunn nè nga in ra dooge ke dè nang nè karè» ɓaa, dooge malang à tilei jéi se kuberi her tɔli jèi, tede dooge malang geri kêm de’t mbak titeke Jean è njèribe-dè-tà ke tà Nube’t.

Tà ke Maje ke Luc ndang 22:7

Ndɔ tɔl nyankulge ra’n Paque ke anje pululu ase ɓá ta.

Jean 18:28

Njékɔr non Juipge in-in se Jésu ra Caiphe’t se ndɔgé ɓat awi se’n kêm kei le Pilate njèkonɓee. Juipge ke awi se’n nga, ilei nja de kêm kei lé. Ei ndigi le kade ra de mine lé tede le kuse’n nyan nan Paque.

Nyanra Njekawkulege 19:29

Dooge malang ke kêm ɓee-bò’t nè awi dè nan’t ngater-ngater, an-in ɗiriri reei loo ra nyan-tɔjege’t. D’uwe njémade-loo-kawge le Paul, Gaius se Aristarque dé ndɔr de ngander-ngander dé ree se de loo ra nyan-tɔjege’t nè nga. Gaius se Aristarque nga, ei dooge ke ɓeekon ke Macédoine.

Nyanra Njekawkulege 21:38

Ké i doo ke Egypte ke ndɔ ke sule dooge ade in-in rai wong nga lé wa? Ké i nga kuwe á ndɔ ke ɔr njé tɔl dooge aru dɔg loo sɔ uru’n walé kêm dile’t nè lé wa?

Nyanra Njekawkulege 4:28

Nyan malang ke i ɔje se go tɔgmong lei a, se kêmndige lei kété mari ke desêin sàk-sàk nga, dé ra d’ade aw loon’t deĵ ɓá ta.