Matthieu 26:41 - Nouveau Testament en Gulay 2004

⁴¹ I ndii dè nja si’t ɔji tà se Nube tede le kade osoi dann nyan sú’t lé. Ndil si ndi kum kuwe, nè danra si á yai.

Matthieu 26:41 Iomraidhean Croise

Matthieu 24:42

Bè ɓaa, i ndii kum tede sei geri ndɔ tel le Kuwe-ɓee le si nga lé.

Matthieu 25:13

Jésu tel ede de ɓai ede nè: – I ndii dè nja si’t tchên tede sei geri ndɔ’n éké kàde’n lé.

Matthieu 26:38

E ede de ede nè: – Kêm’m ndinge ra’m sár à kase yoo’m. I ndii loo ke nè’t, ɔgi kum si ɓi se’m.

Matthieu 6:13

Maje kade inye loo ade nyan sú nan jè lé, nè ɔr jè dann nyan ke majelé’t kɔke.

Marc 14:38

I ndii dè nja si’t kekek ɔji tà se Nube. Ke nè á i rai titeke bè se ndɔge malang ɓaa a osoi dann kaiya’t lé. Tàgir le si maje nè danra si á yai.

Tà ke Maje ke Luc ndang 11:4

Ade kêmi tin mbit dè kaiyage’t le jé, titeke jè kuwe géa j’ade kêm jé tin mbit dè dooge malang ke rai se jé majelé. Inye jè ade j’oso dann nyan su’t lé.»

Tà ke Maje ke Luc ndang 21:36

I ndii dè nja si’t kekek. Ɔji tà se Nube dɔ-dɔ titeke bè á a ingei tɔg si le dum’n dè nyange ke à teei a, le kade i ndai garang non’m man ke m’ee Ngonn doo nga a tɔ.

Tà ke Maje ke Luc ndang 22:40

Loo ke Jésu aw tee dè mbal’t ɓá ɓaa, è ede njékuwe-girnge ede nè: – Ɔji tà se Nube dɔ-dɔ le kade osoi dann nyan sú’t lé.

Tà ke Maje ke Luc ndang 22:46

E deje de ede nè: – Ké bain á i tooi ɓi titeke bè wa? Ɔsi nang in-in dɔ ɔji tà se Nube kade osoi dann nyan sú’t lé.

Tà ke Maje ke Luc ndang 8:13

Dooge ke nange taai Tà ke Maje nè nga se ranel. Nè tà nè nga ule ngire’n nang dè ɓengre de’t lé. D’um kêm de dè’t mbɔr nè loo ke nyan unde loo tee nan kundekêm le de ɓaa, ke loon’t nè kuwe dé sure go kundekêm le de d’inye.

Nje Ke Rome 8:3

Gute-ndu le Moise ase ra nyan nè nga lé, tede yai le danra ra gute-ndu Moise ade tɔg’n goto. Nè Nube ra nyan ke gute-ndu ase ra lé nga. E ule Ngonn kêm’n è kuwe ade ree dè nang nè se danra’n ke tò tanan se le njé ra majelége tede kɔr’n de dann majelé’t.

1 Nje Ke Corinthe 10:13

Nyan ke nan sei nga, è gàr nyan ke nan doo-ndul madesige kuwe tɔ. Nube è njèkinye go kunn-nduge le’n lé. Ke nè á nyan nan sei ɓaa, Nube à inye sei kade nyan nan al dè tɔge si lé. Nube à ade sei gos korè tà njak kade undei loo i teei dann nyan nan’t nè nga.

1 Nje Ke Corinthe 16:13

I ndii kum, i ndai njáng dè kundekêm’t le si kum si ke kété-kété. I ndai dingem, uwei ra si mong a tɔ.

1 Nje Ke Corinthe 9:27

Man m’ee njèkile mber kade dooge ke rang. Nè m’gudu ra’m ngire a, m’ade ra’m kage nè bainléa ndɔ ke rang d’a d’ute’m mbeng kɔke.

Nje Ke Galatie 5:24

Dooge ke umi nan’t bɔk se Jésu-Krist nga, uwei danra se ngur nyange le’n ke majelé ɓerii kade kage-ke-dese’t.

Nje Ke Ephese 6:18

Ɔji tà se Nube dè nyange ke awi ndoo’n se ndɔ si-ndɔ si a, i kɔi nyange gai-gai takul kum ke umi se Ndil-Kem̂nda. I rai bè kum si ke kété-kété m ebi ra si dè’t lé. Ɔgi kum si ɓi ɔji tà se Nube tede njé ke tooi se ninn de malang.

1 Pierre 4:7

Ndɔ le ngei nyange malang è ngɔr ta. I njiyei se kumkunju’n a, i ndii kum dè kɔje tà se Nube’t a tɔ.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

2 Pierre 2:9

Kuwe-ɓee Nube ger loo kɔr njé ke ilei koje dènn’t dann nyan ke à nan de. Nè è ger loo kunde njé kem̂ majelége konn le ngine’n ndɔ gangtà. Ndɔ nè nga, kure nyanra de à ɔde kum de labi-labi.

Lookilera’n 16:15

Kuwe-ɓee tam ede nè: «An! man m’ree titeke njèɓog bè. Doo ke ndi dè njann’t a, ngonm kubuge le’n kɔtenn’t a tɔ ɓaa, ra’n à nel’n. Titeke bè á è à njiye’n mbur’n suturu lé a, ra’n à sɔl’n tàkum dooge’t lé a tɔ.»

Lookilera’n 3:10

Ndɔ ke m’unn ndu’m m’adi kade oré tài njak dè kundekem̂’t. Ɗarinè i an dè ndukunn le’m nga sêw-sêw; ɓaa, man géa, man m’ee der giri ndɔ nyantosowur’t. Kerɔte kuwe, nyantosowur à ree le nan dooge malang ke ndii dè nang nè.