Matthieu 26:39 - Nouveau Testament en Gulay 2004

³⁹ Jésu aw mbɔr ke kété ɓaa, oso labe tà kêm’n nang ɔje tà se Nube ede nè: – Bɔ’m, i asekum kute nyantosowur nè nga dèm’t mbeng ke rang kuwe. Né è bè géa, i ra nyan ke kêm’m man á ndige lé, nè i ra nyan ke kêmi ndige.

Matthieu 26:39 Iomraidhean Croise

Matthieu 20:22

Jésu tel ile de dè’t ede nè: – Nyan ke sei i deji nga, i geri loo’n lé. Nyantosowur ke Nube à ade ra’m nga, ké a asi kade rai sei se’m tɔ wa? Dé tel d’ile Jésu dè’t d’ede nè: – Oiyo, j’à j’ase kade ra jè sei kuwe. Jésu tel ile de dè’t ede nè:

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Matthieu 26:42

Jésu ɔte aw heb ɗêk ɔje tà se Nube njékon’t joo ede nè: – Bɔ’m ke nè á loo ke kade ute nyantosowur nè nga dèm’t mbeng ke rang goto ɓaa, i ra nyan ke kêmi ndige.

Marc 13:22

Tede njé ra ra de ke Krist se njé ra ra de ke njéribe-dè-tàge ke tà Nube’t à ɔsi nang kin-in. Ei à rai nyankɔbege le kade bainléa libi kum njékêmndage ke Nube tɔr de.

Tà ke Maje ke Luc ndang 17:16

E ɔse keje’n nanga non Jésu’t ra’n oiyo. Doo nè nga, è doo ke ɓeekon ke Samarie.

Jean 11:41

Dé ndubri kuberi her ke bòi nga d’ile rang. Jésu an loo ke dɔ danrán tam ede nè: – Bɔ’m, m’rai oiyo tede i oo ndu kɔ le’m.

Jean 14:31

Nè maje kade dooge ke dè nang nè geri tite m’tár Bɔ’m. Gir’n ke nè á m’ra’n nyan malang se go ndukunn le’n. In-in dɔ ade j’awi loo ke rang’t.

Jean 18:11

Jésu ede Pierre ede nè: – Ḿ-m̀, i tel se kuye kaskar lei ule kêm sabann’t gugu. Nyantosowur ke Bɔ’m ɔje’n dè’m nga, ké i ndige kade ra’m lé wa?

Jean 5:19

Jesu tel unn tà tam ede de ede nè: – Kerɔte kuwe, man m’ede sei ndàt, Ngonn asekum ra nyan karé bè se dè ra’n lé, nè nyan ke è an ra Bɔn’t á è ra. Tede nyan malang ke Bɔ ngonn ra nga, ngonn’n géa à ra titeke bè tɔ.

Jean 5:30

Man m’asekum ra nyan karé se dè ra’m lé. M’gangtà se go tà ke m’oo. Gangtà le’m nga è se go rebe’n tede m’sang le ra nyan ke kêm man á ndige lé, nè nyan ke kêm’m ke njèkule’m á ndige.

Jean 6:38

Tede man nga m’in danrán m’ree le ra nyan ke kêm’m man á ndige lé, nè m’ree le ra nyan ke kêm njèkule’m á ndige.

Nyanra Njekawkulege 10:25

Loo ke Pierre à ree ke kei ɓaa, Corneille in tile kum’n. E ɔse keje’n nang nonn’t ɗɔi’n.

Nje Ke Philippes 2:8

Nè è kuwe in se kem̂’n ule dè’n ile koje sár aw weii’n kade kage-ke-dese’t.

Hebreuge 5:7

Krist nga, loo ke ndɔ ke è ndi se dè’n dɔ dè nang nè ɓai nga, è ɔje tà se Nube a, è ndête’n se mann non kumn’t se ndu’n ke bòi beng a tɔ. Nube asekum taa Krist tà yo’t tede koje ke è ile dènn’t.

Lookilera’n 19:10

M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.