Matthieu 26:38 - Nouveau Testament en Gulay 2004

³⁸ E ede de ede nè: – Kêm’m ndinge ra’m sár à kase yoo’m. I ndii loo ke nè’t, ɔgi kum si ɓi se’m.

Matthieu 26:38 Iomraidhean Croise

Matthieu 25:13

Jésu tel ede de ɓai ede nè: – I ndii dè nja si’t tchên tede sei geri ndɔ’n éké kàde’n lé.

Marc 14:34

Jésu ede njé ke danni nin ede nè: – Kêm’m ndinge ra’m sár kade m’wei’n. I ndii loo ke nè’t a, i ndii dè nja si’t a tɔ.

Jean 12:27

Ɗarinè kêm’m tò kekek. Nè ké ri á m’a ra wa? Ké m’a deji Bɔ’m le kade taa’m tà yo’t kêm kàdenn’t nè wa? M’ree tede le kwei ɓaa, m’a m’wei kuwe.

Nje Ke Rome 8:32

Ngonn kêm’n géa, Nube ngonm’n rann’t lé, nè è inye’n ade dé tɔl’n tede tà le jéi malang. Nube à ade jèi nyan malang takul Jésu kerɔte kuwe.

2 Nje Ke Corinthe 5:21

Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.

Nje Ke Galatie 3:13

Krist uge dè jé ɔr jè ji ndu-mann’t le gute-ndu. E tel ra’n ke doo ke ndu-mann uwe dè’n bè tede tà le jéi. Titeke ke bè á dé ndang’n kem̂ Magtub ke tò se ninn’n d’ede nè: «Nanan ke dé ɓer’n kàde kage’t ɓaa, ndu-mann uwe dè’n ɓá ta.»

1 Pierre 2:24

Krist nga oto majelége le jéi dènn’t aw’n weii’n kade kage-ke-dese’t tede kade j’ebi ra jéi dè ra majelége’t le jéi le teli ndii kumgajer ɔje dè nyanra ke se dè naje’n. Takul dòge ke è inge rann’t á j’aji.

1 Pierre 3:18

Krist nga kuwe géa, nyankem̂kon ra’n nja karé bere luk-luk ke ngang’n tede nyanra majelé le dooge. Krist è njè ra nyan se dè naje’n. Nyankem̂kon ra’n ɔje dè nyanra majelé le dooge tede le tel ree’n se si ra Nube’t. Danra’n á dé tɔl nè è tel ndi kumgajer takul Ndil-Kem̂nda.

1 Pierre 4:7

Ndɔ le ngei nyange malang è ngɔr ta. I njiyei se kumkunju’n a, i ndii kum dè kɔje tà se Nube’t a tɔ.