Matthieu 26:32 - Nouveau Testament en Gulay 2004

³² Nè loo ke d’a d’ade m’a m’unde loo tee dann njé ke koo’t ɓaa, m’a m’aw kété non si’t kêm ɓeekon ke Galilée.

Matthieu 26:32 Iomraidhean Croise

Matthieu 16:21

Unn gir kêm ndɔn’t nè nga, Jésu-Krist ede njékuwe-girnge ede nè: – Gar-gar m’a m’aw ke kêm ɓee-bò ke Jérusalem. Ngatɔgege se maw njékuje nyan-mesege a, se njéndang magtubge a tɔ, à rai se’m nyantosowur. D’ade tɔl’m nè ndɔ ke njékon’t mute ɓaa, m’a m’unde loo tee dann njé ke koo’t.

Matthieu 20:19

Dé nè nga, d’a d’in se’m ke kété kule’m ji dooge ke geri Nube lé le kade ulei mbe dèm’t. A undei man se ndêin a, à ɓeri man kàde kage-ke-dese’t a tɔ. Nè ndɔ ke njèkon’t mute ɓaa, man m’unde loo tee dann njé ke koo’t.

Matthieu 26:33

Pierre unn tà tam ede Jésu ede nè: – Ke nè á dooge ke rang malang à tusi kundekêm le de kinyei tede nyan ke à tee dèi’t nè nga géa, man ɓaa, m’a m’tusi kinyei ndan lé.

Matthieu 28:10

Jésu ede de ede nè: – I ɓeli lé ta. Awi edi ngakonmge ade awi gar-gar kêm ɓeekon ke Galilée. E á è loo ke à an-in man tutu nú.

Matthieu 28:16

Njékuwe-gir-Jésu ke dɔg-gidé-karé ɔti awi kêm ɓeekon ke Galilée dè mbal’t ke ndɔ ke Jésu unn ndu’n ade de le kade d’inge’n tutu nga.

Marc 14:28

Nè loo ke Nube à ade m’a m’unde loo tee ɓaa, m’a m’aw kété ngine sei kêm ɓeekon ke Galilée.

Marc 16:7

Nè awi edi Pierre se njékuwe-gir-Jésuge ke rang titeke Jésu ndi aw kum’n ke Galilée non si’t kété non. A an-in Jésu kêm ɓeekon ke Galilée titeke ndɔ ke kété ede’n sei nga.

1 Nje Ke Corinthe 15:6

Taɓai, go’t gugu njétaakêm-Kristge aru mi an-in nin kade nan’t mbak. Njé ke nange bule dann de’t ndii kumgajer laa ɓai, nè njé ke nange á weii ɓá tɔ.