Matthieu 26:29 - Nouveau Testament en Gulay 2004

²⁹ Man m’ede sei ndàt, m’a tel kain mann nduu nè gugu ndan lé sár kade ndɔ ke m’an-in’n se si njè ke kige kêm Konɓee’t le Baa.

Matthieu 26:29 Iomraidhean Croise

Matthieu 13:43

Nè njé ra nyan se dè najennge à ndubi ra de tite kàde bè kêm Konɓee’t le Bɔ de. Nanan ke ka mbi’n tò le koo’n tà ɓaa, gar gar è tà le kade ur mbi’n maje oo’n tàge ke m’ndi m’tam nè nga.

Matthieu 16:28

Kerɔte kuwe, man m’ede sei ndàt, njé ke nange dann dooge ke ndii nè nga à an-in Konɓee le’m man Ngonn doo se kum de pa ɓita à weii ɓai.

Matthieu 18:20

Kerɔte kuwe, loo ke dooge joo éké mute kebi nan se ri’m ɓaa, m’ee dann de’t non.

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 26:28

Oiyo, è ke nè nga è mese’m, mese mann-ra ke d’ade an-in dè nang nè kade dooge bule ingei kêm tin mbit dè kaiyage’t le de.

Matthieu 26:30

Go’t gugu, d’ɔse page ɓita d’unde loo dé tee d’aw dè mbal’t ke kage olivierge ndai tutu ɓai.

Matthieu 28:20

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Marc 14:25

Kerɔte kuwe, man m’ede sei ndàt, m’a tel kain mann nduu gugu ndan lé kade m’an-in’n è ke kige kêm Konɓee’t le Nube.

Tà ke Maje ke Luc ndang 12:32

– Sei ke i tooi asinan se nyankulge le’m ke tchɔp bè nga, ebi’t ɓel; tede Bɔ jéi ade sei Konɓee le’n.

Tà ke Maje ke Luc ndang 15:32

Gar-gar è tà le jé le kade j’ade dé ra mur tête tà ɓee kade j’ali ra jéi. Tede ngokoin ke nda nè nga man m’an’n ke doo ke wei ɓá, nè è tel tɔse ndel; man m’an’n ke doo ke ndem oso kɔke nè m’tel m’inge’n.»

Jean 15:11

Man m’ede sei tàge nè nga tede kade ranel le’m ur’n kei kêm si’t a, tede kade dè ranel le si ɔr’n njêt a tɔ.

Jean 16:22

Sei géa, ɗarinè i ndii dann kumndoo’t titeke bè tɔ. Nè loo ke m’a m’tel ree le kan sei ɓaa, ɓengre si à ndi dann ranel’t. Ranel le si nga doo karé bè ke à uwe’n wont kɔr’n goto.

Jean 17:13

Ɓɔ’m ɗarinè m’ndi m’a m’aw ke rai’t nú. Nè m’tam tà nè titeke bè loo ke m’nain dè nang nè ɓai tede kade d’inge’n ranel le’m se girson’n bere mbak.

Nyanra Njekawkulege 10:41

Nè è jè njékɔrgo tàge le’n ke Nube tɔr jè kuwe se kar jè bere á j’an’n. Loo ke Jésu-Krist unde loo tee dann njé ke koo’t nga, jè njékɔrgo tàge le’n j’use se’n a, j’an-in se’n a tɔ.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.

Lookilera’n 14:3

Dooge ke aru dɔg loo aru se kɔr-sɔ-gidé-sɔ nga ɔsi pa ke kige non kutu-ngar’t tàkum nyankundege ke sɔ se tàkum ngatɔgege. Doo karé bè ke asekum ndó pa ke kige nè nga goto. Nè njé ke aru dɔg loo aru se kɔr-sɔ-gidé-sɔ ke in-in dè nang nè kuwe karé á asi ndói pa ke kige nè geri. Ei dooge ke ndɔ ke Ngonn bate gang dè de dè nang nè.

Lookilera’n 7:17

Kerɔte kuwe, Ngonn bate ke nda dann kutu-ngar’t danné bɔp nga à è njèkul de a, à ɔr non de kaw se de tà ngur mann ndikumgajer’t. Nube à tise mann non kum de’t ndát-ndát a tɔ.»