Matthieu 26:25 - Nouveau Testament en Gulay 2004

²⁵ Judas ke njèkule’n ji de’t nga deje’n tɔ ede nè: – Njèndó dooge nyan, ké è man wa? Jésu tel ile’n dè’t ede nè: – E kuwe i tam tài’t non.

Matthieu 26:25 Iomraidhean Croise

Matthieu 23:7

Dé ndigi le kade dooge rai de lapya ndá-looge’t a, le kade dooge ɓari de njé nyangerge a tɔ.

Matthieu 23:8

Nè sei ɓaa, adi dooge ɓari sei titeke bè lé, tede sei nga njè ndó sei nyan kuwe è karé bere. Gute si malang ɓaa, sei ngakon nange.

Matthieu 26:14

Judas Iskariot è njèkuwe-gir-Jésu ke karé dann njé ke dɔg-gidé-joo’t. E aw ra maw njékuje nyan-mesege’t ede de ede nè:

Matthieu 26:49

Ke loon’t nè kuwe, Judas aw ngɔr ke ra Jésu’t ede nè: – Lapya ngar. E ra’n lapya a, uwe’n kàdenn’t sêm a tɔ.

Matthieu 26:64

Jésu tel ilé dè’t ede nè: – E nga kuwe i tam non ɓá. Nè man m’ede sei ndàt, unn gir ɗarinè, sei a an-in man ke m’ee Ngonn doo m’a m’ndi dè jikon Nube ke Njètɔgmong’t. Sei a kan-in man loo ree’t le’m dann bum’t dɔ danrán.

Matthieu 27:11

Jésu nda non Pilate njèkonɓee’t. E deje Jésu ede nè: – Ké i ngar le Juipge wa? Jésu tel ile’n dè’t ede nè: – E nga kuwe á i tam non ɓá.

Tà ke Maje ke Luc ndang 22:70

Dé malang dé tel deje’n d’ede nè: – A ɓaa, ké i nga i Ngonn le Nube wa? E ile de dè’t ede nè: – I tami è kum, man Ngonn’n kuwe.

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

Jean 4:31

Loo ke nja de nain rebe ɓai-ɓaa, njékuwe-gir-Jésuge awi se’n kabr-kabr edi nè: – Ngar, use nyan ndêin ɓita.