Matthieu 26:18 - Nouveau Testament en Gulay 2004

¹⁸ Jésu tel ile de dè’t ede nè: – Ɔti awi kêm ɓee-bò’t kêm kei le doo karé edi nin edi nè: «Njèndó dooge nyan tam ede nè: Ndɔ le’m nain ngɔr. Man se njékuwe-girmge j’à j’use mapa ke ɔje dè nan Paque nga kêm kei lei.»

Matthieu 26:18 Iomraidhean Croise

Matthieu 21:3

Ke nè á doo karé à deje sei tà ɓaa, edi nin edi nè: «E Kuwe-ɓee á aw ndoo de.» Ke loon’t nè kuwe d’a d’inye de kade i reei se de.

Matthieu 23:10

Taɓai adi doo ɓar sei njékɔr non dege lé, tede njèkɔr non si kuwe è Krist karé bere.

Matthieu 23:8

Nè sei ɓaa, adi dooge ɓari sei titeke bè lé, tede sei nga njè ndó sei nyan kuwe è karé bere. Gute si malang ɓaa, sei ngakon nange.

Matthieu 26:19

Njékuwe-gir-Jésuge rai titeke è ede’n de kété nga. Ei uwei dè nja nyan ra nan Paque adi asenan ɓá.

Matthieu 26:2

– Sei geri titeke nain ndɔ joo ɓaa à è ndɔ ra nan Paque. Man ke m’ee Ngonn doo nga, d’a d’uwe’m kule’m ji dooge ke geri Nube lé tede kàde ɓeri man dɔ kàde kage-ke-dese’t.

Matthieu 26:49

Ke loon’t nè kuwe, Judas aw ngɔr ke ra Jésu’t ede nè: – Lapya ngar. E ra’n lapya a, uwe’n kàdenn’t sêm a tɔ.

Marc 5:35

Loo ke tà nè nain tà Jésu’t ɓai ɓaa, dooge in-in kêm kei le Jairus ngar dè kei kebe nan, reei edi nin edi nè: – Ngonni ke dinye nga wei ɓá ta. Ké ri taɓai á ɔge’n njèndó dooge nyan taa kebe wa?

Tà ke Maje ke Luc ndang 22:53

M’ee nan’t se si se ndɔ’m-ndɔ’m kêm kei le Nube nè sei ulei ji si lêm ɔdii man ndɔ karé lé. Nè ɗarinè è kàde’n le si a, è kàde’n le njèkonɓee tilkus’t a tɔ.

Jean 11:28

Loo ke Marthe tam tà nè nga titeke bè ɓá ɓaa, ɔte aw ɓar ngokon’n Marie ede’n mêt ede nè: – Kuwe jé ree nda rebe non, è ɓari kade aw inge’n.

Jean 12:23

E ile de dè’t ede nè: – Gar-gar kàde kule ndubra dè’m man Ngonn doo’t nga ase ɓá ta.

Jean 13:1

Kété ɓita kade ndɔ ra nan Paque ase ɓai nga, Jésu ger titeke kàde ndɔte ɓee dè nang nè tel ke ra Bɔn’t nga ase ɓá. Njé ke le’n ke kinge’n ke ayé ndii dè nang nè ɓai nga, è tár de ngain. E tár de ade al dè loo’n.

Jean 17:1

Loo ke Jésu ede njékuwe-girnge tàge nè gir gang ɓá ɓaa, è unn kum’n ke danrán ede nè: – Bɔ’m, kàde’n ree ɓá ta. Ile riɓar dè ngonni’t, tede kade ngonni géa ile riɓar dèi’t tɔ.

Jean 20:16

Jésu ɓar Marie ede nè: – Marie! Marie tel tur ra’n warar ke ra Jésu’t ɓar’n se tà hébreu ede nè: – Rabbuni! tel se tà koje jè ɓaa, è «Kuwe’m!»

Jean 7:30

Loo ke Jésu tam tà nè titeke bè ɓaa, dé sang le kuwe’n, nè doo karé bè géa ule ji’n ɔde’n lêm lé tede kàde le’n nain ɓai.

Jean 7:6

Jésu ede de ede nè: – Man ɓaa, ndɔ le’m ke kanm nain ɓai, nè sei ɓaa i ndii tchên se ndɔge malang.

Jean 7:8

Sei ɓaa, tà le si goto, in-in awi loo ra nan’t nga. Man ɓaa, m’a m’aw tutu lé tede ndɔ le’m ke kanm ase lé ɓai.