Matthieu 26:10 - Nouveau Testament en Gulay 2004

¹⁰ Jésu oo tà ke dé tam nè nga mbak. E deje de ede nè: – Ké è tede ri á i rai dinye nè nga adi ɔr’n yàl-yàl bè wa? Nyan ke è ra se’m nè nga è nyan ke maje.

Matthieu 26:10 Iomraidhean Croise

Matthieu 26:11

Njéndooge nga ndii se si se ndɔge malang, nè man ɓaa m’a m’ndi se si se ndɔ’m ndɔ’m lé.

Matthieu 26:9

Ke nè á d’ige wubu nè ɓaa, d’a d’inge nar’n ngain le kai njéndooge.

Marc 14:6

Nè Jésu ede de ede nè: – Inyei n’ee jêke^ adi n’ra. Ké tede ri á i ndɔji n’ee adi n’ɔr’n yàl-yàl bè wa? Nyan ke n’ra tede’m nga, è nyan ke maje ngain.

Tà ke Maje ke Luc ndang 8:49

Loo ke tà nain tà Jésu’t ɓai ɓaa, njèkule karé in kêm kei le Jairus, ngar dè kei kebe nan ree ede’n ede nè: – Ngonni ke dinye nga tà’n tête ɓá, an tá nè à kade njèndó jéi nyan ɔr se ndáng karè.

2 Nje Ke Corinthe 9:8

Nube aw se tɔgmong le kade sei nyange malang kade taa ra si pel-pel se ndɔge-ndɔge. Titeke bè á sei a kunni tà nyange malang ke tò ra si’t ram-ram kuwei noje se njé ke rang.

Nje Ke Galatie 1:7

Ḿ-m̀, Tà ke Maje ke rang karé bè goto. Nè dooge ke nange dé bungul sei karè a, dé ndige tur Tà ke Maje le Krist nga kile gel a tɔ.

Nje Ke Galatie 5:12

Dooge ke njé bungul sei titeke bè nga, maje kade d’ade dé tɔr gum de d’oré’n dè kuje tà mɔte de ɓaa, à è soo de’t.

Nje Ke Galatie 6:17

Unn gir’n ɗarinè, maje kade doo karé bè ndɔje’m lé ta, tede sire dò le Krist tò ram’t laa.

Nje Ke Ephese 2:10

Jèi, jèi dookundege le Nube. E Nube kuwe unde jèi se go kum ke j’um nan’t bɔk se Jésu-Krist tede kade jè rai nyanrage ke maje. Nyanrage ke maje nga Nube uwe dè nja de kété kade jè rai se ndɔ jéi, ndɔ jéi.

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

2 Nje Ke Thessalonique 2:17

le kade sɔli ngarankem̂ si adi sei tɔg si tede kade nyanra si se tà tam si è ke maje se ndɔ-ndɔ.

1 Timothee 3:1

Tà nè nga è tà kerɔte kuwe: ke nè á doo karé sang le k’ee njèkan dè njékebe nange le Nube ɓaa, è aw ndoo ngar kule.

1 Timothee 5:10

Gar-gar, njèkei-kinge à è doo ke d’ɔrgo nyanra’n ke maje a, à è njè koto ngannenge maje a, à è njè ra mba a, à è njè togo nja dooge le Nube a, à è njè ra se njé ke ndii dann nyantosowurge’t a, à è njè ra kulege ke maje malang se ndɔ’n-ndɔ’n a tɔ.

2 Timothee 2:21

Ke nè á doo karé an go ra’n sêw-sêw ɔje dè nyange ke m’tam tà’n nè nga ɓaa, à tò kasenan se jó ra ngar kule ke tò se ninn’n gai ke rara ke kuwe’n uwe dè nja unde konn le ra’n kule ke maje.

Tite 1:16

Dooge nè nga tami edi nè: N’geri Nube, nè nyanra de ɔrgir de titeke dé ger Nube ndan lé. Dooge nè nga ei dooge ke tooi yêr tàkum Nube’t. Dé njé dum nange, d’ase ra nyan ke maje karé bè géa lé.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Tite 3:1

Olé kem̂ njétaakem̂-Kristge malang le kade ulei dè de adi njékɔr non dege se njékonɓeege nga gar-gar. Olé kem̂ de le kade d’ile koje dè de’t a, le kade rai nyan ke maje se ndɔ karé-karé malang.

Tite 3:14

Maje kade njétaakem̂-Kristge ke ɓéee le jéi jèi géa ndói ra kulege ke maje se ndɔ karé-karé. D’a ra titeke bè le kinge’n nyange ke le ra’n se njé ke nyan nal de. Loo ke ei ndii se dè de dɔ ɓai nga, ke nè á ei rai se njé ke nyan nal de ɓaa, kann de a tò.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.

Hebreuge 13:21

Maje kade Nube ke njè kade jèi kem̂lom ade sei tɔg si ade i rai nyange ke maje ke se ri de-ri de. Maje kade ade sei tɔg si kade i rai nyan ke kem̂’n ndige. Maje kade Nube ade jè rai nyange ke taai kum’n takul Jésu-Krist. Maje kade ndubra è le Krist sár se non. Maje kade è titeke bè kuwe.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.