Matthieu 25:6 - Nouveau Testament en Gulay 2004

⁶ Dann loo bɔp ɓaa, doo karé tam tà beng ede nè: «An-in! njè taa dinye kige nga, i teei i tilei non’n.»

Matthieu 25:6 Iomraidhean Croise

Matthieu 24:31

M’a m’ule dooge le’m ke danrán se burunju ke à ɓar kase loo nák-nák le kade ɔsi nja dooge le’m ke m’tɔr de m’unde de se ninn’n gai dè nang bere mbak, loo tee’t se loo kur’t le kàde, dè jikon se dè jigel a tɔ.

Matthieu 24:44

Gir’n ke nè á sei géa, uwei dè nja ra si tede man ke m’ee Ngonn doo nga m’a m’tel ree dè kàde ke sei giri’t nga lé.

Matthieu 25:1

Konɓee ke danrán nga tò asenan se sertà le ngamandege ke dɔg ke anji geri dingem ɓai. Ei otoi lampege le de ji de’t teei awi tilei non njè taa dinye kige.

Matthieu 25:31

Loo ke man ke m’ee Ngonn doo m’a m’tel ree se dooge ke danrán malang dann ndubra’t le’m, kêm ndɔn’t nè nga m’a m’al ɗáng ndi dè kutu-ngar’t le’m.

Matthieu 25:5

Loo ke njè taa dinye kige nga ree kalang lé ɓai ɓaa, kum de ojo nan’t ngandang-ngandang se ɓi ade go’t ɓaa, dé tò ɓi sibik a tɔ.

Matthieu 25:7

Ngamandege ke dɔg nè nga ɔsi nang wum in-in gir ɓi’t, gɔli lampege le de.

Tà ke Maje ke Luc ndang 12:20

Nè Nube ede dingem nè nga ede nè: «I njè kêm tɔ kuju tà lé. Ndɔɔ nè kuwe a wei. A ɓaa, nyan malang ke i uwe dè nja nga, ké à k’ee le nan ta wa?»

Tà ke Maje ke Luc ndang 12:46

Kuwe’n à tel tee dènn’t pan ndɔ karé se kàde ke è ger lé. Kuwe’n à ide’n nduju reend-reend a, à ra se’n nyan ke d’ade ra se njékaltàge tà Nube’t nga a tɔ.

1 Nje Ke Thessalonique 4:16

Ndukunn à in ra Kuwe-ɓee’t kuwe. Loo ke ndu doo ke bò ke danrán à ɓar beng a, burunju le Nube à ɓar a tɔ. E Kuwe-ɓee kuwe à in danrán se ra’n le tel ree. Ke loon’t nè kuwe, njé ke undei kem̂ de dè Krist’t ke weii nga à undei loo teei pa ɓita.

2 Pierre 3:10

Ndɔ tel ree le Kuwe-ɓee nga à è tite ndɔ ree le njèɓog bè. Kem̂ ndɔn’t nè nga, danran à ndubu tong-tong le kɔte goto njêl karè. Nyange malang ke danrán à leein larr-larr. Nang nè se nyange malang ke tooi tutu nga, por à ró de rák-rák a tɔ.

Lookilera’n 16:15

Kuwe-ɓee tam ede nè: «An! man m’ree titeke njèɓog bè. Doo ke ndi dè njann’t a, ngonm kubuge le’n kɔtenn’t a tɔ ɓaa, ra’n à nel’n. Titeke bè á è à njiye’n mbur’n suturu lé a, ra’n à sɔl’n tàkum dooge’t lé a tɔ.»