Matthieu 25:42 - Nouveau Testament en Gulay 2004

⁴² Oiyo, ndɔ ke ɓo ra’m ɓaa, sei adi man nyan m’use lé. Ndɔ ke kunde mann ra’m ɓaa, sei adi man mann m’an-in lé.

Matthieu 25:42 Iomraidhean Croise

Matthieu 12:30

Nanan ke nain se’m lé ɓaa, è njèkɔse se’m tà. Nanan ke ra se’m dè kɔse nja batege nan’t lé ɓaa, è njé sanrin de sák-sák.

Matthieu 25:35

Kerɔte kuwe, ndɔ ke ɓo ra’m ɓaa, sei adi man nyan m’use. Ndɔ ke kunde mann tɔl’m ɓaa, sei adi man mann m’an-in. Ndɔ ke m’ee doo ke dɔ ɓaa, sei uwei man ke ra si’t.

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 25:43

Ndɔ ke m’ee doo ke dɔ ɓaa, sei uwei man ke ra si’t lé. Ndɔ ke m’aw ra’m karé ndát-ndát ɓaa, sei adi man kubu m’tule ram’t lé. Ndɔ ke ra’m tur’m a, m’tò dangai’t a tɔ ɓaa, sei i reei an-in man lé.»

Matthieu 4:2

Ɓo ra Jésu tede ɔge ra’n dè nyankuse’t ase dann kàde kɔr-sɔ se dann ndɔ kɔr-sɔ a tɔ.

Jean 14:21

Doo ke aw se ndukunnge le’m an dè de sêw-sêw ɓaa, è nè nga tár’m kerɔte. Nanan ke tár’m ɓaa, Bɔ’m à tár’n tɔ. Nanan ke tár’m ɓaa, man géa m’a m’tár’n a, m’a m’ɔrgir ra’m kade ger’m njai a tɔ.

Jean 5:23

Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.

1 Nje Ke Corinthe 16:22

Ke nè á doo karé ndige Kuwe-ɓee Jésu lé ɓaa, maje kade Nube ɔr’n kɔke dann kosdooge’t le’n. Marana tha, Kuwe-ɓee le jé ree!

2 Nje Ke Thessalonique 1:8

Kem̂ ndɔn’t nè nga, kuwe jéi Jésu à ade kure nyanra njé ke geri Nube lé se njé ke ilei koje dè Tà ke Maje’t le kuwe jéi Jésu-Krist lé à ɔde kum de.

1 Jean 4:20

Ke nè á doo karé tam ede nè n’tár Nube, nè è ɔr ngokon’n njêt ɓaa, doo nè nga è njè lanm karè. Doo nè nga è njè lanm tede doo ke mbate tár ngokon’n ke an’n se kum’n nga ɓaa asekum tár Nube ke è an’n se kum’n lé nga ndan lé.