Matthieu 25:41 - Nouveau Testament en Gulay 2004

⁴¹ Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 25:41 Iomraidhean Croise

Matthieu 13:40

Titeke dé rein jer le ró’n poro nga, ndɔ ke ngeinn’t ɓaa d’a ra titeke bè tɔ.

Matthieu 13:42

Dé nè nga malang á d’a rein de kum de pɔtɔk dann por ke nunge palang. E loo ke d’ade non se wuwi jik-jik tutu a, d’ade ton tà de vbat-vbat tutu a tɔ.

Matthieu 13:50

Dooge ke danrán à umi njékêm majelége nè nga pɔtɔk dann por ke nunge palang. E loo ke a noin wuwi tutu ɗêl-ɗêl a, a toin tà de tutu vbat-vbat a tɔ.

Matthieu 18:8

Ke nè á jii éké njai à tugei jig’t le kade oso dann kaiya’t ɓaa, i tuge’n i gang’n ile’n heb. Kawi loo ndikumgajer se non se meti nga, è soo’t dum kade d’ilei se jii éké njai joo mbak dann por ke tò sár se non.

Matthieu 25:42

Oiyo, ndɔ ke ɓo ra’m ɓaa, sei adi man nyan m’use lé. Ndɔ ke kunde mann ra’m ɓaa, sei adi man mann m’an-in lé.

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Matthieu 3:12

Doo nè nga, kéee le’n è jinn’t. A ɔi kêm gar le’n ndát-ndát a, a ɔse nja ko le’n nan’t kêm dam’t a tɔ. Nè a ró tise ko se por ke doo ase tɔl ndan lé.

Matthieu 4:10

Jésu tel ede sú ede nè: – Ɔte tam’t kɔke tede dé ndang kêm magtub’t d’ede nè: «Kuwe-ɓee Nube lei nga, i a kɔse keji nang nonn’t a, è kuwe karé bere luk-luk á i a ra ɓer le’n a tɔ.»

Matthieu 5:22

Nè man m’ede sei, nanan ke ra wong se ngokon’n ɓaa, d’a gangtà dènn’t. Nanan ke tam se ngokon’n ede nè: «I mbe» ɓaa, d’a d’aw se’n loo gangtà’t ke bò. Nanan ke tam se ngokon’n ede nè: «Kêmi tɔ kuju tà lé» ɓaa, a inge ndutɔr lé sár nè kure nyanra’n à ɔde kum’n labi-labi.

Matthieu 7:23

Kêm ndɔn’t nè nga, m’a kede de ndàt kede nè: «Ma m’ger sei ndan lé. Ɔti tam’t ke rang, sei njékaltàge se ndɔ si-ndɔ si.»

Tà ke Maje ke Luc ndang 13:27

Kuwe-kei nè nga à tel kile sei dè’t kede nè: «Man m’ger sei lé, ɔti tàm’t kɔke sei malang ke njé ra nyan pás-pàsge.»

Tà ke Maje ke Luc ndang 16:24

Baw ule tà’n non’t ede nè: «Hai! bɔ’m Abraham an kumtondoo le’m. Kɔkrɔ karè, ede Lazare ade ule ngaw ji’n kum mann’t ree’n ade m’njibe kade ndon’m sɔl’n lom ndêin tede ndon por ra’m ndoo ngain.»

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

2 Nje Ke Thessalonique 1:7

Sei ke dé ra se si nyantosowurge nè nga, ndɔ ke kuwe jéi Jésu à in danrán le kunde loo tee pan se dooge le’n ke njé tɔgmong-ge ɓaa, Nube à ade a i taai kebe se jé nan’t tɔ.

2 Nje Ke Thessalonique 1:9

Dé nè nga, kure nyanra de ke à ɔde kum de nga, è tuju ke se non a, d’a ndi heb tàkum Kuwe-ɓee ke tɔgmong le’n dum dè loo.

Hebreuge 6:8

Nè né è bè géa, nang nè ade konnge se tiroge tá kujei nan hakl-hakl ɓaa, tel è nyan ke karè. Mbɔr ɓaa Nube à mann’n a, ndêin-ndêin ɓaa d’ade ró’n se por rák-rák kɔke a tɔ.

2 Pierre 2:4

Dooge ke danrán ke ndɔ ke rai majelé nga, Nube ngonm de rann’t lé. Nè è inye de ade dé tɔ de se sul d’um de kem̂ bolè ke ndul ndin-ndin ngine’n ndɔ gangtà.

1 Jean 3:10

E ke nè á d’a ger’n ngann Nube se ngann le njè kem̂ majelé nga njai-njai. Nanan ke ra nyan ke se dè naje’n lé se ndɔ’n-ndɔ’n ɓaa, è le Nube ndan lé. Nanan ke tár ngokon’n lé ɓaa, è le Nube ndan lé tɔ.