Matthieu 25:32 - Nouveau Testament en Gulay 2004

³² Kêm ndɔn’t nè d’a d’ɔse nja kosdooge ke dè nang nè malang nan’t nonm’t. M’a m’ɔr kum dooge ke nange dann made dege’t titeke njèkul nyan ɔr’n kum batege se bal-binyege bè.

Matthieu 25:32 Iomraidhean Croise

Matthieu 13:49

Ndɔ ke ngeinn’t nga ɓaa à è titeke bè tɔ. Dooge ke danrán à reei le kɔri kum njékêm majelége dann njé ra nyan se dè najennge’t.

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Matthieu 3:12

Doo nè nga, kéee le’n è jinn’t. A ɔi kêm gar le’n ndát-ndát a, a ɔse nja ko le’n nan’t kêm dam’t a tɔ. Nè a ró tise ko se por ke doo ase tɔl ndan lé.

Jean 10:14

Man m’ee njèkul batege ke get. Man m’ger batege le’m a, batege le’m géa geri man a tɔ.

Jean 10:27

Batege le’m nga uri mbi de ooi ndu’m. Man m’ger de mbak, à umi nan goom’t a tɔ.

Nje Ke Rome 2:12

Dooge malang ke rai majelé anje ger gute-ndu le Moise nga à tuji anje gute-ndu le Moise nga tɔ. Nè dooge malang ke rai majelé gir gute-ndu’t nga, d’ade gangtà dè de’t se go gute-ndu Moise nga tɔ.

Nje Ke Rome 2:16

Nyange malang à tooi nata ndái-ndái kêm ndɔ ke Nube à ade Jésu-Krist à gang’n tà dè nyange ke majelé ke dooge rai se go ngein. Tà ke Maje ke m’ile mber’n nga tam bè kuwe.

1 Nje Ke Corinthe 4:5

Gir’n ke nè á maje kade i gangi tà dè doo’t se ndáng karè kété anje ndɔ tel ree’t le Kuwe-ɓee lé. I nginei sár adi Kuwe-ɓee kuwe tel ree pa ɓita. E è á à ade loo ar dè nyange ke tooi loo ɓoyɔn’t ɗarinè dann tilkus’t nga. Nyange ke dooge ɔji dè ɓengre de’t le rai se go ngein ɓai nga, Kuwe-ɓee à ribe dè ke nata tàkum kosge’t malang. Ndɔ’n nè nga, nanan géa Nube à pite’n ɔje dè nyan ra’n-ra’n.

2 Nje Ke Corinthe 5:10

Kerɔte kuwe, ndɔn’t jèi karé-karé malang j’à ndai loo gangtà’t le Krist tede kade nanan géa à inge kann nyan ra maje éké majelé ke è ra loo ke kété ndi’n se dè’n dɔ ɓai nga.