Matthieu 25:21 - Nouveau Testament en Gulay 2004

²¹ Kuwe’n tel ile’n dè’t ede nè: «Maje ngain, i i ngonn njèndi ke maje, m’ase kum kêm’m dèi’t kuwe. Nyan ke ndêin bè ke ndɔ ke m’adi nga, i tɔse kumi dè’t ade tee kɔde. M’a m’ɔri kundei ke njèkan dè nyange le’m ke rang ɓai. I ree, i ra ranel se’m man kuwei.»

Matthieu 25:21 Iomraidhean Croise

Matthieu 24:45

Ké nan è ngonn njèndi ke gang tchat ke kuwe’n ɔr’n unde’n dè gute madennge’t le kade kai de nyankuse de se ndɔ karé-karé malang wa?

Matthieu 24:47

Kerɔte kuwe, man m’ede sei ndàt, kuwe’n à unde’n ke njèkan dè nyanbawge le’n malang.

Matthieu 25:23

Kuwe’n tel ede’n ede nè: «Maje ngain, i i ngonn njèndi ke maje, m’asekum kêm’m dèi’t kuwe. Nyan ke ndêin ke ndɔ ke m’adi nga, i tɔse kumi dè’t ade tee kɔde. Man m’ɔri kundei ke njèkan dè nyange le’m ke rang ɓai. I ree i ra ranel se’m man kuwei.»

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Tà ke Maje ke Luc ndang 12:44

Kerɔte kuwe, man m’ede sei ndàt, ngonn njèndi ke ra titeke bè nga, kuwe’n à ɔr’n kunde’n ke njèkan dè nyange le’n malang.

Tà ke Maje ke Luc ndang 16:10

Nanan ke tɔse kum’n dè nyan ke ndêin bè ke d’um jinn’t nga, à tɔse kum’n dè nyan ke bòi ke d’um jinn’t tɔ. Nè nanan ke tɔse kum’n dè nyan ke ndêin bè ke d’um jinn’t lé ɓaa, à tɔse kum’n dè nyan ke bòi ke d’um jinn’t nga lé tɔ.

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Jean 14:3

M’a m’aw le gɔl loo ndi si. Loo ke m’aw m’gɔl loo ndi si gir gang ɓá ɓaa, m’a m’tel ree le koto si kàdem’t tede kade loo ke m’a m’ndi tutu ɓaa, sei géa a i ndii se’m nan’t tutu tɔ.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Nje Ke Rome 2:29

Nè ngarankum Juip nga è Juip ke kêm doo’t kei a, ngarankum kuje tà mɔte nga è kuje tà mɔte ke dè ɓengre doo’t. Kuje tà mɔte ke dè ɓengre’t nga in ra Ndil Nube m in ra gute-ndu ke dé ndang’t nga lé. Juip ke get nè nga inge pite ra dooge’t lé nè ra Nube’t.

1 Nje Ke Corinthe 4:5

Gir’n ke nè á maje kade i gangi tà dè doo’t se ndáng karè kété anje ndɔ tel ree’t le Kuwe-ɓee lé. I nginei sár adi Kuwe-ɓee kuwe tel ree pa ɓita. E è á à ade loo ar dè nyange ke tooi loo ɓoyɔn’t ɗarinè dann tilkus’t nga. Nyange ke dooge ɔji dè ɓengre de’t le rai se go ngein ɓai nga, Kuwe-ɓee à ribe dè ke nata tàkum kosge’t malang. Ndɔ’n nè nga, nanan géa Nube à pite’n ɔje dè nyan ra’n-ra’n.

2 Nje Ke Corinthe 10:18

Doo ke an ra’n è kuwe ke nyan nga, è ngarankum doo lé ɓai. Doo ke Kuwe-ɓee kuwe pite’n tá è ngarankum doo ɓai.

2 Nje Ke Corinthe 5:9

Gir’n ke nè á, loo ke jè ndii dè nang nè ɓai éké loo ke j’à ndɔti ɓee dè nang nè nga, nyan karé ke è ranel le jéi è taa kum Kuwe-ɓee.

Nje Ke Philippes 1:23

Nyange ɔsi kàde’m loo joo, ngur kin kaw ndi se Krist ra’m pênn-pênn. E á m’an ke nyan ke à too’m soo’t ngain.

1 Timothee 3:13

Kerɔte kuwe, njékan dè nyange le njékebe nange le Nube ke rai kule le de maje ɓaa à ingei riɓar a, à ingei loo tam tà se kem̂nda káng ke deri ɔje dè kundekem̂ ke j’awi takul kum ke j’umi nan’t bɔk se Jésu-Krist.

2 Timothee 2:12

Ke nè á jè ndai dè nja jéi’t njáng se’n ɓaa, j’à j’on-in ɓee se’n nan’t tɔ. Ke nè á jè naji se ra jéi dènn’t ɓaa, è géa à naje se ra’n dè jéi’t tɔ.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.

Lookilera’n 21:7

Doo ke tête rɔ ɓaa, m’a m’ade’n nyan nè nga kuwe. M’a m’ee Nube le’n a, à è ngonn’m ke dingem a tɔ.

Lookilera’n 3:21

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.

Lookilera’n 7:17

Kerɔte kuwe, Ngonn bate ke nda dann kutu-ngar’t danné bɔp nga à è njèkul de a, à ɔr non de kaw se de tà ngur mann ndikumgajer’t. Nube à tise mann non kum de’t ndát-ndát a tɔ.»