Matthieu 25:20 - Nouveau Testament en Gulay 2004

²⁰ E ke d’ade’n nar kule ke ndɔ aru mi nga, inge made dè’t aru mi. E ree ra kuwen’t ede’n ede nè: «kuwe’m, ndɔ ke ade’m nar kule ke ndɔ aru mi. An! ɗarinè, m’inge made aru mi dè’t.»

Matthieu 25:20 Iomraidhean Croise

Matthieu 18:24

Loo ke ngar unn gir mbɔji go nyange le’n nga ɓaa, d’uwe ngonn njèndi le’n karé ke kure le’n tò dènn’t ase sak aru dɔg loo kɔr-mute dé ree se’n rann’t.

Tà ke Maje ke Luc ndang 19:13

E ɓar ngann njéndige le’n dɔg ade reei ingeii. E nobo de karé-karé malang nar kule ke ndɔ aru, ede nè: «Awi se nar nè i ndogoi nyan i turi gir sár kade m’ree m’inge’n sei.»

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

1 Nje Ke Corinthe 15:10

Nè takul kêmnoje le Nube á m’tel m’ee’n njèkawkule le’n. Noje ke Nube uwe se’m nga è se ndáng karè lé. M’ra kule m’ɔr yàl-yàl dum njékawkulege ke rang malang. Kerɔte kuwe, è tɔg le’m man á m’ra’n kule nè nga lé, nè è noje ke Nube á uwe se’m.

Nje Ke Colosses 1:29

Gir’n ke nè á m’ra’n kule m’ɔr’n yàl-yàl a, m’rɔ’n se go tɔg le Krist ke ra kule ram’t ngain.

Jacques 2:18

Nè doo karé à tam kede nè: «I, i ndi se kundekem̂ a, man m’aw se kule rage a tɔ.» M’a m’tel deje’n kede nè: «I tɔje’m kundekem̂ lei ke anje ra kule dè’t nga ade m’an ɓaa, man géa m’a m’tɔji kundekem̂ le’m se kulege ke m’ra dè’t kade an tɔ.»