Matthieu 25:10 - Nouveau Testament en Gulay 2004

¹⁰ Nè loo ke d’a d’aw ke loo ndogonn’t ɓai ɓaa, njè taa dinye kige nga tee pan. Ngamandege ke uwei dè nja ra de nga uri lêbêt awi se njè taa dinye kige nè nga kei nan’t. Ke loon’t nè kuwe d’utu tàbit kei.

Matthieu 25:10 Iomraidhean Croise

Matthieu 24:42

Bè ɓaa, i ndii kum tede sei geri ndɔ tel le Kuwe-ɓee le si nga lé.

Matthieu 24:43

Maje kade i geri tà nè nga maje: loo ke kuwe-kei ger kàde ke njèɓog à ree’n ɓaa, è à ɔge kum’n ɓi le kinye loo kade mbute’n kum bolè ɓoge’n nyange le’n ke kêm kei lé.

Matthieu 24:44

Gir’n ke nè á sei géa, uwei dè nja ra si tede man ke m’ee Ngonn doo nga m’a m’tel ree dè kàde ke sei giri’t nga lé.

Matthieu 25:6

Dann loo bɔp ɓaa, doo karé tam tà beng ede nè: «An-in! njè taa dinye kige nga, i teei i tilei non’n.»

Matthieu 7:21

Nanan ke ɓar’m ede nè: «Ngar, Ngar» karè à ile nja’n kêm konɓee ke danrán lé. Nè nanan ke ra nyan ke kêm Bɔ’m ke danrán ndige ɓita à ile nja’n kêm Konɓee’t le Bɔ’m nga ɓai.

Tà ke Maje ke Luc ndang 12:35

– I ndii se kubu ra kule ra si’t. Umi mine ɓede si’t a, adi lampe le si ndogó kotong a tɔ.

Tà ke Maje ke Luc ndang 13:25

Loo ke kuwe-kei à ɔse nang le kin dɔ kutu tà rebe ɓaa, ei ke nain-in nata à kunni gir kunde tà rebe kedi nè: « Kuwe-ɓee, tài tò nják, ɔr tà rebe ade jè.» E à tel kile sei dè’t kede nè: «Man m’ger sei lé.»

Nje Ke Colosses 1:12

I rai Bɔ jéi Nube oiyo se ranel. E tel jèi ke dooge ke asi kingei nyan-ndube ke è uwe dè nja unde konn kem̂ Konɓee’t le lookar tede njé ke ei lennge.

2 Timothee 4:8

Unn gir’n ɗarinè, jɔkɔ kunn banga le nyanra ke se dè naje’n tò ngine’m. Kuwe-ɓee ke njègangtà se dè naje’n à ade’m kem̂ ndɔn’t nè nga. Kuwe-ɓee à ade’m man á se kar’m lé. Nè dooge malang ke undei kem̂ de tchên dè ndɔ tel kunde loo tee pan’t le’n nga, è à ade jɔkɔ kunn banga nè nga tɔ.

1 Pierre 1:13

Bè ɓaa, adi tàgir le si ndikum a, i ndii kum si karè. Undei kem̂ si tchên dè noje ke d’a d’uwe se si ndɔ tel ree’t le Jésu-Krist.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.

Lookilera’n 19:7

Jè rai ranel a, j’ali ra jéi a, j’ɔsi pa j’ilei riɓar dè Nube’t a tɔ. An! ndɔ ra nan taa nan le Ngonn Bate nga ase ɓá! Njènong le’n nga géa uwe dè nja ra’n ɓá a tɔ.

Lookilera’n 22:20

Jésu ke njèkɔrgo tà nyange nè nga tam ede nè: «Oiyo, m’a tel ree ngɔr.» Maje kade è titeke bè kuwe, Kuwe-ɓee Jésu, i ree.