Matthieu 25:1 - Nouveau Testament en Gulay 2004

¹ Konɓee ke danrán nga tò asenan se sertà le ngamandege ke dɔg ke anji geri dingem ɓai. Ei otoi lampege le de ji de’t teei awi tilei non njè taa dinye kige.

Matthieu 25:1 Iomraidhean Croise

Matthieu 13:24

Go’t gugu Jésu unn gostà karé ke rang ede de ede nè: – Konɓee ke danrán nga, è tite doo karé ke unn ko nyan ke maje dubu kêm ndɔr’t le’n.

Matthieu 13:31

Jésu unn gostà karé ke rang ede dooge ɓai ede nè: – Konɓee ke danrán nga tò asenan se kum kage ke ri’n nè Mutarde ke dingem karé unn aw dubu kêm ndɔr’t le’n bè.

Matthieu 13:38

Ndɔr nga è dè nang nè. Njar ko ke maje nga, è njé ke ndigi le kade Nube on ɓee dè de’t. Jer nga è njé ke ndigi le kade njèkêm majelé on ɓee dè de’t.

Matthieu 13:47

Konɓee ke danrán nga tò asenan se bure karé ke d’ile dann ba-bò’t d’ade ɔse nja kanjege ke se ri de-ri de nan’t ree se de nata.

Matthieu 20:1

Konɓee ke danrán nga tò asenan se kuwe-kei ke tee se ndɔgé ɓat tede kɔi dooge kade rai kule kêm ndɔr nduu’t le’n bè.

Matthieu 22:2

– Konɓee ke danrán nga tò asenan se ngar karé bè ke ade dé koré mur tête tà ɓee le ngonn’n ke dingem.

Matthieu 25:7

Ngamandege ke dɔg nè nga ɔsi nang wum in-in gir ɓi’t, gɔli lampege le de.

Matthieu 3:2

– I turi hal si tede Konɓee ke danran nain ngɔr ta.

Matthieu 5:16

Sei géa, maje kade nyan-ndogó le si ndogó tàkum dooge’t tede kade an-in nyanra maje le si ɓaa, ilei riɓar dè Bɔ si ke ndi danrán.

Matthieu 9:15

Jésu tel deje de ede nè: – Njètaa dinye kige nga, loo ke madennge ei se’n ɓai nga, ké asi ndii dann nyantosowur’t wa? Nè ndɔ ke d’a d’uwe njètaa dinye kige nè wont kɔr’n dann de’t ɓita d’a kɔge kêm de ɓo ɓai.

Jean 18:3

Judas ɔr non kos njérɔge se pajage le maw njékuje nyan-mesege se Pharisienge aw se de loo’t nè nga. Dé ree se portusge se nyankatege ji de’t tchukuk-tchukuk.

Jean 3:29

Doo ke dinye njè ngaw kige ɔje dè’n nga, è ngaw’n. Nè made njè taa dinye kige nda kɔtenn’t oo tà le’n. Ndu njè taa dinye kige ke made’n oo nga ade’n made’n ranel ngain. Man géa, m’ɔr son ranel le’m ɓila titeke bè tɔ.

Nyanra Njekawkulege 20:8

Kêm kei ke dè madege’t dɔ ke jè kebe nan tutu nga, lampege bule ase tà’t ndogói tutu kotong.

1 Nje Ke Corinthe 11:2

M’an nyan kum si’t tede kêm si olé dèm’t se loo malang. M’an nyan kum si’t tede nyange ke m’ndó sei nga géa, an-in dè sêw-sêw a tɔ.

2 Nje Ke Corinthe 11:2

M’tár sei ngain. Tár ke m’tár sei nga, ngire’n in ra Nube’t kuwe. Gir’n ke nè á m’ra’n jang dè si’t. Sei i tooi asinan se ngomande ke nal ger dingem ɓai bè. Krist kuwe karé bere luk-luk á è ngaw ke m’uwe dè’n m’ɔje’n dè si. M’tɔje’n go si kade an sei ke neennge.

2 Timothee 4:8

Unn gir’n ɗarinè, jɔkɔ kunn banga le nyanra ke se dè naje’n tò ngine’m. Kuwe-ɓee ke njègangtà se dè naje’n à ade’m kem̂ ndɔn’t nè nga. Kuwe-ɓee à ade’m man á se kar’m lé. Nè dooge malang ke undei kem̂ de tchên dè ndɔ tel kunde loo tee pan’t le’n nga, è à ade jɔkɔ kunn banga nè nga tɔ.

Tite 2:13

Gar-gar, j’à rai titeke bè le nginei ndɔ tel kunde loo tee pan le Kuwe jéi Jésu-Krist. Ndɔ nè nga, j’undei kem̂ jéi dè’t tchên. Ndɔ nè nga, ndubra le Nube le jéi ke bò, se ndubra le Njèkaje jèi Jésu-Krist à kile ra’n ke nata ndái-ndái.

Lookilera’n 14:4

Ei dooge ke rai nyan se dè naje’n a, inyei ra de nyêin dann mage polé le dooge ke dè nang nè lé a tɔ. Loo malang ke Ngonn bate aw tutu nga, d’unn dè nja’n têr-têr. Dé nè nga dé dooge ke Ngonn bate gang dè de dann dooge ke dè nang nè. E gang dè de le kade dé ko nyange ke desêin le Nube a, le’n è a tɔ.

Lookilera’n 19:7

Jè rai ranel a, j’ali ra jéi a, j’ɔsi pa j’ilei riɓar dè Nube’t a tɔ. An! ndɔ ra nan taa nan le Ngonn Bate nga ase ɓá! Njènong le’n nga géa uwe dè nja ra’n ɓá a tɔ.

Lookilera’n 21:2

M’an Jérusalem ke kige, è ɓee-bò ke tò se ninn’n ke in danrán ra Nube’t rise nang. Ɓee-bò nè nga tò asenan se ngomande ke ra ra’n mande tàkum ngawn’t bè.

Lookilera’n 21:9

Dooge ke danrán ji sejimute uwei baige ji sejimute ji de’t ndai. Bai wong nè nga, nyantosowurge ji sejimute rusi kem̂ neĵ-neĵ. E karé dann de’t ree tam se’m ede nè: «I ree laa ade m’tɔji njènong ke è dinye le Ngonn bate ke taa’n ke kige nga.»

Lookilera’n 4:5

Ndu doo ɓar beng-beng a, ndi têl a, ndang a tɔ, tu kutu-ngar ke karé ke madege an-in dè’n ulei nan’t nga. Lampege ji sejimute ndogói kotong non kutu-ngar’t nè nga. Lampege ke ji sejimute nga ei Ndilge ke ji sejimute le Nube.

Lookilera’n 8:10

Doo ke danrán ke njèkon’t mute kɔl burunju. Ke loon’t nè kuwe, kɔnyon ke bòi ke on por njoi-njoi tite lampe bè in danrán oso nang. Kɔnyon nè nga oso dè debe ba karé’t dann madege ke mute’t se dè ngur mannge’t a tɔ.