Matthieu 24:9 - Nouveau Testament en Gulay 2004

⁹ D’a tuwe sei ra kum si ndoo a, d’a tɔl sei a, dooge ke geri Nube lé à ɔri sei njêt a tɔ, tede ri’m man ke m’ee Ngonn doo nga.

Matthieu 24:9 Iomraidhean Croise

Matthieu 22:6

Gute njé ke rang tuwei ngann njéndige le’n rai se de nyan ke tur a, tɔli de a tɔ.

Matthieu 23:34

Gir’n ke nè á an-in! m’a m’ule se njéribe-dè-tàge ke tà Nube’t se njékumkunjuge a, se njéndang magtubge a tɔ ra si’t. Nè sei a tɔli njé ke karége a, a i ɓeri njé ke nange kàde kage-ke-dese’t a, a i tundei njé ke nange se ndêin maru kêm kei kebe nan’t le si a, a ɔri njé ke nange kororoi se kêm ɓee-ɓee a tɔ.

Tà ke Maje ke Luc ndang 11:49

Gir’n ke nè á, Nube ke njèkumkunju tam’n tà kété ɔje’n dè si ede nè: «M’a m’ule se njéribe-dè-tàge se njékawkulege kade de. D’ade tɔl njé ke nange a, d’a d’ɔr njé ke nange kororoi a tɔ.»

Tà ke Maje ke Luc ndang 21:12

Nè kété ɓita kade nyange nè teei ɓai nga, d’a tuwe sei a, d’a ra kum si ndoo a, d’a d’ule sei ji ngar dè kei kebe nan a, d’ade ɓuku sei dangai’t a, d’ade kali sei kaw se si non ngar-ɓeege’t se non njékonɓeege’t a tɔ. D’a ra se si nyange nè nga titeke bè tede’m man.

Jean 15:18

Ke nè á njé ke dè nang nè d’ɔr sei njêt ɓaa, maje kade i geri titeke man kuwe ɔri man njêt kété ɓita sei ɓai.

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Jean 16:2

D’ade rɔ sei kêm kei kebe nange’t. Kàde ke ndɔn’t nè, dooge malang à in-in tami kedi nè: «sei njé mbate Nubege» à ree non. Gir’n ke nè á, ndɔn’t d’a tɔl’n sei ke nyankuje-mese kede nè n’ilei riɓar dè Nube’t.

Nyanra Njekawkulege 28:22

Nè maje ngain le kade i kuwe ɔrgir tà nè nga se tài ade j’oo. Oiyo, tà ke ɔje dè Jésu, doo nyan le doo nè nga ɓaa, jè ger titeke dooge utei nin mbeng se loo malang.

Nyanra Njekawkulege 7:59

Loo ke d’ade tile Etienne se kuberi her le tɔl’n ɓaa, è non ɓar Kuwe-ɓee ede nè: – Kɔkrɔ karè, Kuwe-ɓee Jésu, i taa ndil’m ke rai’t.

1 Pierre 4:16

Nè ke nè á nyankem̂kon ra doo tede k’ee ke è njètaakem̂-Krist ɓaa, maje kade ade ra’n sɔl’n lé, nè maje kade ra Nube’t oiyo tede ri Krist ke è unn.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.

Lookilera’n 2:13

Loo ke i ndi tutu nga, m’ger mbak, è kutu-ngar le njèkem̂yêr. Kem̂ ndɔn’t ke ndɔ ke dé tɔl’n Antipas, njèkɔrgo tà le’m ke maje kule dann si’t nga géa, ile ri’m nang lé a, i naje se rai dè kem̂i ke unde dèm’t nga lé a tɔ. Loo ke ndɔ ke dé tɔl Antipas tutu nga, njè kem̂ majelé urkei tutu bajaj.

Lookilera’n 7:14

M’tel m’ile ngatɔge nè nga dè’t m’ede nè: «Kuwe’m, i i ger de mbak.» Ngatɔge nè nga ede’m ede nè: «Dé nè nga d’in dann nyantosowur ke bò’t. Dé togo kubuge le de ke bòi yul se mese Ngonn bate d’ade nda káng-káng.