Matthieu 24:44 - Nouveau Testament en Gulay 2004

⁴⁴ Gir’n ke nè á sei géa, uwei dè nja ra si tede man ke m’ee Ngonn doo nga m’a m’tel ree dè kàde ke sei giri’t nga lé.

Matthieu 24:44 Iomraidhean Croise

Matthieu 24:27

Titeke ndi têl loo tee’t le kàde ndoin sár tee loo kur’t le kàde nga, ndɔ tel ree le’m man ke m’ee Ngonn doo nga géa à è titeke bè to.

Matthieu 24:42

Bè ɓaa, i ndii kum tede sei geri ndɔ tel le Kuwe-ɓee le si nga lé.

Matthieu 24:43

Maje kade i geri tà nè nga maje: loo ke kuwe-kei ger kàde ke njèɓog à ree’n ɓaa, è à ɔge kum’n ɓi le kinye loo kade mbute’n kum bolè ɓoge’n nyange le’n ke kêm kei lé.

Matthieu 25:10

Nè loo ke d’a d’aw ke loo ndogonn’t ɓai ɓaa, njè taa dinye kige nga tee pan. Ngamandege ke uwei dè nja ra de nga uri lêbêt awi se njè taa dinye kige nè nga kei nan’t. Ke loon’t nè kuwe d’utu tàbit kei.

Matthieu 25:13

Jésu tel ede de ɓai ede nè: – I ndii dè nja si’t tchên tede sei geri ndɔ’n éké kàde’n lé.

Tà ke Maje ke Luc ndang 12:39

Ooi tà nè maje: ke nè á kuwe-kei ger kàde ke njèɓog à ree’n kété ɓaa, gar-gar à inye’n kade mbute kum bolè ɓoge’n nyange ke kêm kei le’n lé.

Tà ke Maje ke Luc ndang 12:40

Sei géa, i ndii dè nja si’t kekek tede man ke m’ee Ngonn doo nga, m’a m’tel ree dè kàde ke sei giri titeke m’a m’tel reenn’t lé.

Tà ke Maje ke Luc ndang 21:36

I ndii dè nja si’t kekek. Ɔji tà se Nube dɔ-dɔ titeke bè á a ingei tɔg si le dum’n dè nyange ke à teei a, le kade i ndai garang non’m man ke m’ee Ngonn doo nga a tɔ.

Nje Ke Philippes 4:5

Maje kade dooge malang geri sei loo kaw lom-lom le si. Kuwe-ɓee è ngɔr ta.

Jacques 5:9

Ngakonmge, ke nè á i ndigi kade Nube gangtà dè si’t lé ɓaa ebi ra si kim nan. An-in! njègangtà nga in nda dɔ tàbit kei’t ɓá ta.

Lookilera’n 19:7

Jè rai ranel a, j’ali ra jéi a, j’ɔsi pa j’ilei riɓar dè Nube’t a tɔ. An! ndɔ ra nan taa nan le Ngonn Bate nga ase ɓá! Njènong le’n nga géa uwe dè nja ra’n ɓá a tɔ.