Matthieu 24:37 - Nouveau Testament en Gulay 2004

³⁷ Nyan ke ndɔ ke tee kêm ndɔnge’t le Noé nga à è titeke bè ndɔ tel ree le’m man ke m’ee Ngonn doo nga tɔ.

Matthieu 24:37 Iomraidhean Croise

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 24:27

Titeke ndi têl loo tee’t le kàde ndoin sár tee loo kur’t le kàde nga, ndɔ tel ree le’m man ke m’ee Ngonn doo nga géa à è titeke bè to.

Matthieu 24:3

Taɓai Jésu ɔte aw ndi dè mbal’t ke kage olivierge ndai tutu. Njékuwe-girnge awi ingeii se kar’n deji nin edi nè: – Ede jè, ké ndɔ ke ra nyange nè nga à teei wa? Ké ri á à tɔji jè kade jè ger ndɔ teli nga wa? Ké ndɔ ke ra gir nang nè à gang ɗás wa?

Matthieu 24:30

Nyantɔjege le’m man ke m’ee Ngonn doo à teei kàde danran’t. E á girkoje dooge malang ke dè nang nè à undei de dai-dai se non. Girkoje dooge malang à an-in man ke m’ee Ngonn doo loo tel ree’t le’m dann kil’t le ndi se tɔgmong a, se ndubra a tɔ.

Matthieu 24:39

Dooge ndii neng sár ade mann bêlm ree pujur’n dè de a, ndum’n de ndarak a tɔ. Ndɔ tel ree le’m man ke m’ee Ngonn doo géa à è titeke bè kuwe tɔ.

Hebreuge 11:7

Nyange ke ndɔn’t ayé teei ɓai nga, ndɔ ke Nube ribe dè de ede Noé kété ade oo takul kundekem̂. Noé ile koje dè tà ke Nube ede’n, è in ra bato ade njé ke kem̂ kei le’n awi kem̂é ajii. Ra ke Noé ra titeke bè nga è ile’n tà dè dooge ke dè nang nè. Taɓai, takul kundekem̂ á ndɔ ke Nube ɔr’n tà dè Noé’t ade tel ee’n njè ra nyan se dè naje’n.

2 Pierre 2:5

Dooge ke njé ra majelége ke kété mari ndii dè nang nè nga, Nube inye de lé. Nè è ade mann bêlm in pujur dè nang nè ndum de ndarak. Nè ndɔ ke Nube aje dooge sɔsɔ bere. Noé njè kile mber nyanra ke se dè naje’n è dann dooge ke sɔsɔ nè nga tɔ.

2 Pierre 3:6

Mann nè nga ndɔ ke in pujur dè dooge ke dè nang nè ndum’n de ndarak se go tà ke in tà Nube’t kuwe ɓai.