Matthieu 24:31 - Nouveau Testament en Gulay 2004

³¹ M’a m’ule dooge le’m ke danrán se burunju ke à ɓar kase loo nák-nák le kade ɔsi nja dooge le’m ke m’tɔr de m’unde de se ninn’n gai dè nang bere mbak, loo tee’t se loo kur’t le kàde, dè jikon se dè jigel a tɔ.

Matthieu 24:31 Iomraidhean Croise

Matthieu 13:41

Man ke m’ee Ngonn doo nga m’a m’ule dooge le’m ke danrán kade rein-in njétuge madege jig’t kade osoi dann kaiya’t a, se njékaltà tà ndukunnge’t le Nube malang kum de nata kɔke kêm Konɓee’t le’m.

Matthieu 24:22

Ke nè á Nube gang tà ndɔge nè nga dɔ lé ɓaa, doo karé ke ayé kinge kaje géa goto. Nè Nube à gang tà ndɔge nè dɔ tede tà le njé ke è tɔr de.

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Matthieu 24:32

Gostà ke ɔje dè kage koté nga, à ade a i geri gir tà nè nga maje. Loo ke balkumnge unni gir tube mêin-mêin a, mbinnge iti ɗuk-ɗuk a tɔ ɓaa, sei geri titeke nan ɓar è ngɔr.

Matthieu 25:31

Loo ke man ke m’ee Ngonn doo m’a m’tel ree se dooge ke danrán malang dann ndubra’t le’m, kêm ndɔn’t nè nga m’a m’al ɗáng ndi dè kutu-ngar’t le’m.

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Marc 13:27

Kerɔte kuwe, m’a mule dooge le’m ke danrán kade awi se loo malang dè nang nè ɔsi nja njé ke m’tɔr de dè nan’t neĵ-neĵ.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Jean 11:52

Jésu à wei tede girkoje le Juipge á go karé lé, nè le kɔse nja ngann le Nube ke ɗarinè yali nan se loo-loo nan’t tede kade teli umi nan’t bɔk tite kosdooge ke karé bere.

Nje Ke Rome 10:18

A ɓaa, ké m’a m’tam kede nè: Ndɔ ke Juipge ooi tà nè nga ndan lé wa? Ḿ-m̀, ei ooi mbak kuwe! Magtub le Nube tam ede nè: «D’oo ndu njékile mberge ke ɔje dè Tà ke Maje se loo malang dè nang nè. Mber kile le de aw sár ɔse ngei dè nang ndi dooge bere mbak.»

1 Nje Ke Corinthe 15:52

Ndɔ ke burunju à ɓar ɓaa, jéi malang ra jéi à tel waks ke loon’t nè kuwe, titeke bêl kum doo ke tuge jip bè. Loo ke ndɔn’t burunju à ɓar ɓaa, njé ke weii à undei loo teei dann njé ke koo’t le teli ndii kumgajer se non. Jéi malang géa, d’a d’ade ra jéi à tel waks tɔ.

Nje Ke Ephese 1:10

Loo ke ndɔ’n à ase deĵ ɓaa, nyan ke Nube ɔje le ra á tò nè: A ɔse nja nyange ke danrán se nyange ke dè nang nè malang nan’t le kade Krist è doo dè de.

1 Nje Ke Thessalonique 4:16

Ndukunn à in ra Kuwe-ɓee’t kuwe. Loo ke ndu doo ke bò ke danrán à ɓar beng a, burunju le Nube à ɓar a tɔ. E Kuwe-ɓee kuwe à in danrán se ra’n le tel ree. Ke loon’t nè kuwe, njé ke undei kem̂ de dè Krist’t ke weii nga à undei loo teei pa ɓita.

2 Nje Ke Thessalonique 2:1

Tà ke ɔje dè ndɔ tel ree le kuwe jéi Jésu-Krist se tà ke ɔje dè kɔse nja jéi nan rann’t nga, ngakon jége, jè deje sei

Hebreuge 12:19

Sei ooi ká burunju ke ndɔ ke ɓar ase loo nák-nák éké ndu Nube ke ndɔ ke ɓar beng-beng nga lé tɔ. Loo ke ndɔ ke kosdooge ke Israel ooi ndu Nube ke ɓar nè nga ɓaa, ei ɓeli ngain ade ndigi kade Nube tel tam tà ede de gugu lé ta.

Lookilera’n 1:20

Nyan ke tò loo ɓɔyɔn’t ɔje dè kɔnyonge ji sejimute ke an jikonm’t a, lampege ji sejimute ke dé ra se nar-ɔr ke an a tɔ nga, gir’n á tò nè: Kɔnyonge ke ji sejimute nga, ei njékan dè njékebe nange le Nube ke ji sejimute. Lampege ji sejimute ke dé ra se nar-ɔr nga, ei njékebe nange ke gir ji sejimute nè nga tɔ.»

Lookilera’n 11:15

Taɓai doo ke danrán ke njèkon madennge’t ji sejimute kɔl burunju. Ke loon’t nè kuwe, ndu dooge ɓar danrán beng-beng edi nè: «Tɔgmong konɓee ke dè nang nè oso ji Kuwe-ɓee Nube’t le jéi se Krist le’n a tɔ. Kuwe-ɓee à on ɓee sár se non.»

Lookilera’n 7:1

Go’t gugu, m’an dooge ke danrán sɔ ndai se nja de dɔ dè kum nang ke sɔ’t. Dooge ke danrán nè nga on-in nelge ke sɔ ke dè nang nè njanm-njanm tede kade nel karé bè géa ule dè nang nè éké dè ba-bò’t éké dè kage karé bè lé a tɔ.

Lookilera’n 8:2

Go’t gugu ɓaa, m’an dooge ke danrán ji sejimute ndai non Nube’t. D’ade de burunju ji sejimute ji de’t karé-karé.