Matthieu 24:30 - Nouveau Testament en Gulay 2004

³⁰ Nyantɔjege le’m man ke m’ee Ngonn doo à teei kàde danran’t. E á girkoje dooge malang ke dè nang nè à undei de dai-dai se non. Girkoje dooge malang à an-in man ke m’ee Ngonn doo loo tel ree’t le’m dann kil’t le ndi se tɔgmong a, se ndubra a tɔ.

Matthieu 24:30 Iomraidhean Croise

Matthieu 24:3

Taɓai Jésu ɔte aw ndi dè mbal’t ke kage olivierge ndai tutu. Njékuwe-girnge awi ingeii se kar’n deji nin edi nè: – Ede jè, ké ndɔ ke ra nyange nè nga à teei wa? Ké ri á à tɔji jè kade jè ger ndɔ teli nga wa? Ké ndɔ ke ra gir nang nè à gang ɗás wa?

Matthieu 24:37

Nyan ke ndɔ ke tee kêm ndɔnge’t le Noé nga à è titeke bè ndɔ tel ree le’m man ke m’ee Ngonn doo nga tɔ.

Matthieu 24:39

Dooge ndii neng sár ade mann bêlm ree pujur’n dè de a, ndum’n de ndarak a tɔ. Ndɔ tel ree le’m man ke m’ee Ngonn doo géa à è titeke bè kuwe tɔ.

Matthieu 26:64

Jésu tel ilé dè’t ede nè: – E nga kuwe i tam non ɓá. Nè man m’ede sei ndàt, unn gir ɗarinè, sei a an-in man ke m’ee Ngonn doo m’a m’ndi dè jikon Nube ke Njètɔgmong’t. Sei a kan-in man loo ree’t le’m dann bum’t dɔ danrán.

Marc 13:26

Kerɔte kuwe, d’a d’an’m man Ngonn doo loo tel ree’t le’m dann bum’t se tɔgmong a, se riɓar a tɔ.

Marc 13:4

– Ede jè, ké ndɔ ke ra á nyange ke i tam tà’n nè nga à awi loon’t deĵ wa? Ké nyan ri á à tɔje jè ndɔ tee le nyange nè nga malang wa?

Tà ke Maje ke Luc ndang 21:27

D’a d’an’m man Ngonn doo loo tel ree’t le’m dann bum’t se tɔgmong a, se ndubra a tɔ.

Tà ke Maje ke Luc ndang 22:69

Nè unn gir ɗarinè man Ngonn doo m’a m’ndi dè jikon Nube’t ke njètɔgmong le konɓee se’n.

Nyanra Njekawkulege 1:11

– Sei dooge ke ɓeekon ke Galilée, ké bain á i ndai an-in loo ke danrán sikm bè wa? Jésu nè ke d’unn’n dann si’t d’aw se’n danrán nga, ndɔ ke rang à tel ree kade an-in titeke an-in nin loo kin kaw’n danrán’t nè nga bè tɔ.

2 Nje Ke Thessalonique 1:7

Sei ke dé ra se si nyantosowurge nè nga, ndɔ ke kuwe jéi Jésu à in danrán le kunde loo tee pan se dooge le’n ke njé tɔgmong-ge ɓaa, Nube à ade a i taai kebe se jé nan’t tɔ.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.

Lookilera’n 12:1

Go’t gugu, nyantɔje ke bò unde loo tee kàde danran’t. Dinye karé ule kàde rann’t tite kubu bè. E ube nan gir njann’t a, ule jɔkɔ kɔnyonge dɔg-gidé-joo dènn’t a tɔ.