Matthieu 24:3 - Nouveau Testament en Gulay 2004

³ Taɓai Jésu ɔte aw ndi dè mbal’t ke kage olivierge ndai tutu. Njékuwe-girnge awi ingeii se kar’n deji nin edi nè: – Ede jè, ké ndɔ ke ra nyange nè nga à teei wa? Ké ri á à tɔji jè kade jè ger ndɔ teli nga wa? Ké ndɔ ke ra gir nang nè à gang ɗás wa?

Matthieu 24:3 Iomraidhean Croise

Matthieu 13:36

Loo ke Jésu inye kosdoo-bulege baa, è tel ree ɓéee. Njékuwe-girnge reei ngɔr ke rann’t edi nè: – Ɔrgir gostà le jer ke tò kêm ndɔr’t nga ade jè.

Matthieu 13:49

Ndɔ ke ngeinn’t nga ɓaa à è titeke bè tɔ. Dooge ke danrán à reei le kɔri kum njékêm majelége dann njé ra nyan se dè najennge’t.

Matthieu 15:12

Njékuwe-gir-Jésuge reei rann’t edi nin edi nè: – Tà ke i tam á Pharisienge ooi nga tuge de jig’t, nè ké i ger bè lé wa?

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 16:28

Kerɔte kuwe, man m’ede sei ndàt, njé ke nange dann dooge ke ndii nè nga à an-in Konɓee le’m man Ngonn doo se kum de pa ɓita à weii ɓai.

Matthieu 17:19

Loo ke Jésu nain se kar’n bere ɓaa, njékuwe-girnge agi meen-meen ke rann’t deji nin edi nè: – Ke bain á tɔg jé ase rɔ ndil ke majelé nè nga kɔke lé wa?

Matthieu 21:1

Jésu se njékuwe-girnge reei teei kêm kɔki ɓee ke ri’n nè Bethpagé, tò kɔte mbal ke kage olivierge ndai tutu. Loo ke ei undei dè ɓee-bò ke Jérusalem ngɔr ɓaa, Jésu ɔr njékuwe-girnge joo ule de kété ede nè:

Matthieu 24:27

Titeke ndi têl loo tee’t le kàde ndoin sár tee loo kur’t le kàde nga, ndɔ tel ree le’m man ke m’ee Ngonn doo nga géa à è titeke bè to.

Matthieu 24:30

Nyantɔjege le’m man ke m’ee Ngonn doo à teei kàde danran’t. E á girkoje dooge malang ke dè nang nè à undei de dai-dai se non. Girkoje dooge malang à an-in man ke m’ee Ngonn doo loo tel ree’t le’m dann kil’t le ndi se tɔgmong a, se ndubra a tɔ.

Matthieu 24:37

Nyan ke ndɔ ke tee kêm ndɔnge’t le Noé nga à è titeke bè ndɔ tel ree le’m man ke m’ee Ngonn doo nga tɔ.

Matthieu 24:39

Dooge ndii neng sár ade mann bêlm ree pujur’n dè de a, ndum’n de ndarak a tɔ. Ndɔ tel ree le’m man ke m’ee Ngonn doo géa à è titeke bè kuwe tɔ.

Matthieu 24:43

Maje kade i geri tà nè nga maje: loo ke kuwe-kei ger kàde ke njèɓog à ree’n ɓaa, è à ɔge kum’n ɓi le kinye loo kade mbute’n kum bolè ɓoge’n nyange le’n ke kêm kei lé.

Matthieu 28:20

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Tà ke Maje ke Luc ndang 21:7

Dé tel dé deje’n d’ede nè: – Njèndó dooge nyan, ké nyange nè nga à teei ndɔ ke ra’t wa? Ké ri á à tɔje jè ndɔ tee le nyange nè nga wa?

Nyanra Njekawkulege 1:7

Jésu ile de dè’t ede nè: – E tà le si sei le ger ndɔ’n se kàde’n ke Bɔ’m ɔje se go tɔgmong le’n è kuwe nga lé.

Hebreuge 9:26

Ke nè á è inye ra’n ade ke nyankuje-mese nja bule ɓaa, né ndɔ ke nyankem̂konge à rai nin nja bule unn gir’n mari loo ke Nube unde’n gir nang nè. Nè ɗarinè Krist tɔje ra’n nata ndái-ndái ke nyankuje-mese nja karé bere luk-luk ke ngang’n kem̂ ndɔge ke ngeinn’t nè tede kudu’n kum majelé le dooge.