Matthieu 24:27 - Nouveau Testament en Gulay 2004

²⁷ Titeke ndi têl loo tee’t le kàde ndoin sár tee loo kur’t le kàde nga, ndɔ tel ree le’m man ke m’ee Ngonn doo nga géa à è titeke bè to.

Matthieu 24:27 Iomraidhean Croise

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 16:28

Kerɔte kuwe, man m’ede sei ndàt, njé ke nange dann dooge ke ndii nè nga à an-in Konɓee le’m man Ngonn doo se kum de pa ɓita à weii ɓai.

Matthieu 24:26

Ke nè á d’ede sei d’ede nè: «An-in! n’ee nga, n’nda kêm dile’t non» ɓaa, i teei awi tutu lé. Loo ke d’ede sei d’ede nè: «An-in! n’ee nga, n’ndi du loo’t kei non» ɓaa, umi kêmi si dè’t lé.

Matthieu 24:3

Taɓai Jésu ɔte aw ndi dè mbal’t ke kage olivierge ndai tutu. Njékuwe-girnge awi ingeii se kar’n deji nin edi nè: – Ede jè, ké ndɔ ke ra nyange nè nga à teei wa? Ké ri á à tɔji jè kade jè ger ndɔ teli nga wa? Ké ndɔ ke ra gir nang nè à gang ɗás wa?

Matthieu 24:37

Nyan ke ndɔ ke tee kêm ndɔnge’t le Noé nga à è titeke bè ndɔ tel ree le’m man ke m’ee Ngonn doo nga tɔ.

Matthieu 24:39

Dooge ndii neng sár ade mann bêlm ree pujur’n dè de a, ndum’n de ndarak a tɔ. Ndɔ tel ree le’m man ke m’ee Ngonn doo géa à è titeke bè kuwe tɔ.

Matthieu 24:44

Gir’n ke nè á sei géa, uwei dè nja ra si tede man ke m’ee Ngonn doo nga m’a m’tel ree dè kàde ke sei giri’t nga lé.

Matthieu 8:20

Jésu tel ile’n dè’t ede nè: – Njange géa bolè tò de tò tutu a, helge géa ndis tò de tò tutu a tɔ. Nè man ke m’ee Ngonn doo nga, m’inge loo kule dè’m tutu taa kebe lé.

Jacques 5:8

Sei géa, ilei kem̂ si pon a, oréi tà si njak a tɔ, tede ndɔ tel ree le Kuwe-ɓee nain ngɔr ta.

2 Pierre 3:4

à tami kedi nè: «Ndɔ ke Jésu unn ndu’n ede nè n’a n’tel ree. A ɓaa, ké tel ree le’n nga à è ndɔ ke ra’t wa? Tede bɔ jége weii ɓá, nè nyange malang tooi se loo tò de titeke mari desêin loo kunde gir nyange’t nga kuwe ɓai.»