Matthieu 24:14 - Nouveau Testament en Gulay 2004

¹⁴ Konɓee le Nube nga, d’a d’ile mber’n kade dooge malang ke geri Nube lé ke ndii dè nang nè bere mbak ooi kété ɓita dè nang nè à tuju ɓai.

Matthieu 24:14 Iomraidhean Croise

Matthieu 10:7

Loo ke a awi ɓaa, ilei mber dɔ-dɔ edi nè: «Konɓee ke danrán nain ngɔr ta.»

Matthieu 18:19

Kerɔte kuwe, man m’tel m’ede sei ɓai, ke nè á dooge joo dann si’t dè nang nè umi tà le de nan’t le deji nyan ke bain-bain géa, Bɔ’m ke ndi danrán à ade de nyan nè nga kuwe.

Matthieu 24:3

Taɓai Jésu ɔte aw ndi dè mbal’t ke kage olivierge ndai tutu. Njékuwe-girnge awi ingeii se kar’n deji nin edi nè: – Ede jè, ké ndɔ ke ra nyange nè nga à teei wa? Ké ri á à tɔji jè kade jè ger ndɔ teli nga wa? Ké ndɔ ke ra gir nang nè à gang ɗás wa?

Matthieu 24:6

Sei a kooi ká rɔ se ser rɔ ke dooge à rɔi nan. Nè adii kàde si gete get-get lé. Gar-gar nyange nè nga à teei kété ɓita, nè à è ngei ndɔ kade dè nang nè bere mbak tuju’n lé ɓai.

Matthieu 4:23

Jésu aw se loo-loo kêm ɓeekon ke Galilée bere mbak ndó dooge nyan kêm kei kebe nange’t le de ile mber Tà ke Maje ɔje dè konɓee le Nube a, ɔr ratur ke rara ra njératurge dann kosdooge’t a, se njè ke kêl ra de wei tonrin a tɔ.

Matthieu 9:35

Jésu aw se kêm ɓee-bòge se ngann ɓeege malang ndó dooge nyan kêm kei kebe nange’t le de. E ile mber Tà ke Maje ke ɔje dè Konɓee le Nube ade de a, è ɔr ratur ra njératurge’t se njé ke kêl ra de wei tonrin a tɔ.

Marc 13:10

Gar-gar d’a d’ile mber Tà ke Maje nè nga kade dooge malang kété pa ɓita.

Tà ke Maje ke Luc ndang 2:1

Kêm ɓaln’t nè nga, César Auguste, ngar ke bò ke ɓeekon ke Rome unn ndu’n le kade d’unde ri dooge karé-karé malang kêm magtub tute kɔr dooge’t.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Tà ke Maje ke Luc ndang 4:5

Taɓai njè sú dooge ree ɔr’n aw se’n dɔ mbeng ɓaa, ke loon’t nè kuwe, è tɔje’n ɓeekonge malang ke dè nang nè ede nè:

Nyanra Njekawkulege 1:2

sár tee’n kêm ndɔ ke Nube unn’n aw’n se’n danrán. Jésu unn ndu’n se go tɔgmong le Ndil-Kêmnda ade njékawkulege ke è tɔr de unde de se ninn de.

Nyanra Njekawkulege 11:28

E ke karé dann de’t ri’n nè Agabus. Ndil-Kêmnda ɔse’n ade in dɔ tam tà ndàt titeke ɓo-bò ayé koso se loo bere mbak dè nang ndi dooge’t. Ɓo-bò nè nga, ndɔ ke oso kuwe tɔ kêm lo ke Claude on’n ɓee.

Nyanra Njekawkulege 17:31

E ɔje ndɔ karé ke le gang’n tà se dè naje’n dè dooge malang ke ndii dè nang nè. Nube ɔr doo karé unde’n ke njègangtà ɓá. Doo nè nga, Nube ade unde loo tee dann njé ke koo’t tede kade dooge malang undei kêm de dènn’t.

Nyanra Njekawkulege 17:6

Loo ke d’inge de lé ɓaa, d’uwe Jason se njétaakêm-Kristge ke nange. Dé ndɔr de ngander-ngander d’aw se de non njégangtàge ke kêm ɓee-bò’t nè nga. Taɓai dé tam tà se ndu de ke bòi beng d’ede nè: – Dooge ke njé bungul loo dè nang nè bere mbak nga, ɗarinè teei laa tɔ ta.

Nyanra Njekawkulege 19:27

Tuju ke à oso nga à ɔje dè kule le jéi á se kar’n lé. Nè kei ke bò le mage ke dinye ke ri’n nè Artémis nga géa à tel k’ee nyan ke raikarè. Taɓai riɓar le’n ke oso se loo mbit-mbit ade dooge ke kêm ɓeekon ke Asie se dè nang ndi dooge bere mbak ilei koje dènn’t nga à ɔse ngei ngai a tɔ.

Nyanra Njekawkulege 20:25

An-in! sei malang ke ndɔ ke m’aw m’ile mber Konɓee le Nube dann si’t nga, ɗarinè m’ger titeke a an-in kum’m gugu lé ta.

Nje Ke Rome 10:18

A ɓaa, ké m’a m’tam kede nè: Ndɔ ke Juipge ooi tà nè nga ndan lé wa? Ḿ-m̀, ei ooi mbak kuwe! Magtub le Nube tam ede nè: «D’oo ndu njékile mberge ke ɔje dè Tà ke Maje se loo malang dè nang nè. Mber kile le de aw sár ɔse ngei dè nang ndi dooge bere mbak.»

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.

Nje Ke Colosses 1:6

Loo malang ke Tà ke Maje nè aw tee tutu nga, ule ngire’n nang a, ann ke kété-kété a tɔ. Sei géa, è titeke bè dann si’t, unn gir kem̂ ndɔ ke sei ooi a, i geri kem̂-maje le Nube se go ngarankum tà a tɔ.

Hebreuge 1:6

Taɓai loo ke ade Nube ule Ngonn der’n ke è dagi ade ree dè nang nè ɓá ɓaa, è tam titeke bè ede nè: «Maje kade dooge le Nube ke danrán malang ɔsi keje de nang non Ngonn Kem̂n’t nè nga le ɗɔyi nin.»

Hebreuge 2:5

Konɓee ke ndi à ree ke j’à j’ilei mber’n nè nga, è dooge ke danrán á Nube à ade à on-in lé, nè è dooge ke dè nang nè á à on-in.

Lookilera’n 14:6

Taɓai, m’an doo ke danrán karé ke rang nel se bage’n aw dann danran’t danné bɔp. E aw se Tà ke Maje ke tò se non tede kile mber’n kade dooge malang ke ndii dè nang nè. Mber Tà ke Maje nga ɔje dè kosdooge a, girkoje dooge malang ke dè nang nè ke tà tam de è gai-gai a, se dooge ke se dè ɓee-dè ɓee a tɔ.

Lookilera’n 16:14

Ndilge ke majelé nè nga ei ngann njékulege le ndilge ke yêr ke njé ra nyankɔbege gai-gai. Taɓai ei awi ra ngar-ɓeege ke dè nang nè bere mbak, ɔsi nja de nan’t tede ngine’n ndɔ rɔ ke bò le Nube ke njètɔgmong.

Lookilera’n 3:10

Ndɔ ke m’unn ndu’m m’adi kade oré tài njak dè kundekem̂’t. Ɗarinè i an dè ndukunn le’m nga sêw-sêw; ɓaa, man géa, man m’ee der giri ndɔ nyantosowur’t. Kerɔte kuwe, nyantosowur à ree le nan dooge malang ke ndii dè nang nè.