Matthieu 24:11 - Nouveau Testament en Gulay 2004

¹¹ Njé tête tà kunde tà Nube’tge bule à ɔsi nang kin-in le súi dooge bule a tɔ.

Matthieu 24:11 Iomraidhean Croise

Matthieu 24:12

Nyan ra ke bann-bann à in dè made’t ke kété-kété. Gir’n ke nè á tár nan le dooge bule à tel sɔl ɗêng-ɗêng.

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Matthieu 24:5

Oiyo, dooge bule à unni ri’m le reei kedi nè: «Man nga kuwe m’ee Krist.» D’a tam bè le sú’n dooge bule kade ndemi.

Matthieu 7:15

Undei kumkunju dè ra si’t ɔje dè njé tête tà kunde tà Nube’t. Ei rai ra de tite batege bè reei ra si’t. Nè kêm de ke kei ɓaa, ei heng-ge ke njé tɔ ko dooge.

Marc 13:22

Tede njé ra ra de ke Krist se njé ra ra de ke njéribe-dè-tàge ke tà Nube’t à ɔsi nang kin-in. Ei à rai nyankɔbege le kade bainléa libi kum njékêmndage ke Nube tɔr de.

Nyanra Njekawkulege 20:30

Man m’ger mbak titeke dooge à in-in dann si sei’t le têti tà tchap-tchap ndɔri njétaakêm-Kristge go de’t.

1 Timothee 4:1

Ndil-Kem̂nda tam ndàt ede nè: kem̂ ndɔge ke ngeinn’t dooge ke nange à surei kundekem̂ le de kinyei tede le liger go sú’t se dè nyan-ndóge le ndilge ke majelé a tɔ.

2 Pierre 2:1

Njé tête tà kunde tà Nube’t nga, ndɔ ke kété undei loo teei dann kosdooge’t ɓá. Ɓila géa njéndó dooge nyan ke lanmge à undei loo teei pan dann si’t titeke bè tɔ. Dé nè nga, d’a d’unn nyan-ndóge ke gai pat kule dann si’t le tuju’n sei. D’ade mbate Ngar Jésu ke njèkuge dè de. Gir’n ke nè á d’a dé ɓar’n tuju kalang d’ile’n dè de’t.

1 Jean 2:18

Ngannemge, è dè kàde ke ngeinn’t ta. Sei ooi kété titeke Njè kɔse tà se Krist karé à unde loo tee. Nè ɗarinè nga njé kɔse tà se Kristge ngain ndii undei loo teei ta. Gir’n ke nè á jè geri titeke è kàde ke ngeinn’t nga kuwe ta.

1 Jean 2:26

M’ndang tà nyange nè m’ade sei ɔje dè dooge ke sangi le súi sei kade i ndemi rebe ke maje’t.

1 Jean 4:1

Kotárge le’m, umi kem̂ si dè ndil tà’t le dooge ke tami edi nè n’awi se Ndil-Kem̂nda nga lé. Nè i nan-in dooge nè nga an-in ké awi se Ndil-Kem̂nda le Nube nga kerɔte kuwe wa? Tede njé tête tà kunde tà Nube’t undei loo teei ngain dè nang nè ɗarinè ta.

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.

Lookilera’n 19:20

Dan se è ke njè ra ra’n ke njèribe-dè-tàge ke tà Nube’t nga, d’uwe de joo mbak. E ke njè ra ra’n ke njèribe-dè-tàge ke tà Nube’t nga ndɔ ke è ra nyankɔbege gai-gai tàkum dan’t nè libe’n kum dooge ke nyankorji le dan tò ra de’t a, ke ɗɔyi nyan ke dé ra dé ndaje’n dan nè nga a tɔ. Dan se njè ra ra’n ke njèribe-dè-tàge ke tà Nube’t nga, d’uwe de joo mbak d’ile de kumgajer dann por nyan ke ker jengleng ke laa tong-tong a, ke on bilm-bilm a tɔ.