Matthieu 23:8 - Nouveau Testament en Gulay 2004

⁸ Nè sei ɓaa, adi dooge ɓari sei titeke bè lé, tede sei nga njè ndó sei nyan kuwe è karé bere. Gute si malang ɓaa, sei ngakon nange.

Matthieu 23:8 Iomraidhean Croise

Matthieu 10:25

Maje kade njèndó nyan è tite njèndó’n nyan bè a, maje kade ngonn njèndi è tite kuwe’n bè a tɔ. Ke nè á d’ile ri-tɔi kuwe-kei d’ede nè: Ngar le ndilge ke majelé ɓaa, ké njékêmkeige le’n nga d’a t’ile ri de dum le’n è ɓai lé wa? Kuwe-kei géa á dé ɓar’n Ngar le ndilge ke majelé nè a njékêmkeige le’n tá ɓai wa?

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Matthieu 23:10

Taɓai adi doo ɓar sei njékɔr non dege lé, tede njèkɔr non si kuwe è Krist karé bere.

Matthieu 23:7

Dé ndigi le kade dooge rai de lapya ndá-looge’t a, le kade dooge ɓari de njé nyangerge a tɔ.

Matthieu 26:25

Judas ke njèkule’n ji de’t nga deje’n tɔ ede nè: – Njèndó dooge nyan, ké è man wa? Jésu tel ile’n dè’t ede nè: – E kuwe i tam tài’t non.

Matthieu 26:49

Ke loon’t nè kuwe, Judas aw ngɔr ke ra Jésu’t ede nè: – Lapya ngar. E ra’n lapya a, uwe’n kàdenn’t sêm a tɔ.

Marc 10:51

Jésu deje njèkumtɔ ede nè: – Ké ri á aw ndoo kade m’ra m’adi wa? Njèkumtɔ tel ede Jésu ede nè: – Ngar le’m, m’ndige kade kum’m tel an loo.

Marc 11:21

Kêm Pierre olé dè tà ke tagela Jésu tam se kage koté ɓaa, è ede Jésu ede nè: – Kuwe jé, an! kage koté ke tagela ɔr se’n nga wei njanm.

Marc 14:45

Loo ke Judas tee pan ɓaa, ke loon’t nè kuwe, aw ngɔr ke ra Jésu’t ɓar’n ede nè: – Kuwe jé! Go’t gugu ɓaa è ra’n lapya uwe’n kàdenn’t sêm.

Marc 9:5

Pierre unn tà tam ede Jésu ede nè: – Ngar, è soo’t kade jè ndii nè: J’à ra kei kanm mute, karé à è lei, karé à è le Moise, karé à è le Elie a tɔ.

Tà ke Maje ke Luc ndang 22:32

Nè man m’ɔje tà se Nube le kade kundekêm tchên lei tel wei soin lé. I nga, loo ke a kɔse wan tel ke ram’t ɓaa, ule dingem kêm ngakoinge’t.

Jean 1:38

Jésu mer goo’n. Loo ke è an de d’unn rebe goon’t ɓaa, è deje de ede nè: – Ké i sangi ri wa? Dé tel d’ile’n dè’t d’ede nè: – Rabbi (tel se tà koje jéi ɓaa, è Kuwe jé) ké loo ndii è ra wa?

Jean 1:49

Nathanael tel tam ede nè: – Kuwe jé, i i Ngonn Nube a, i i Ngar le dooge ke kêm ɓeekon ke Israel a tɔ.

Jean 11:8

Njékuwe-girnge deji nin edi nè: – Ngar, i a Juipge sangi tilei nin se kuberi her le tɔli nin ɗarinè ɓai nè kuwe, ké a i tel kaw kêm ɓeekon le de ke Judée nga ɓai wa?

Jean 20:16

Jésu ɓar Marie ede nè: – Marie! Marie tel tur ra’n warar ke ra Jésu’t ɓar’n se tà hébreu ede nè: – Rabbuni! tel se tà koje jè ɓaa, è «Kuwe’m!»

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 3:26

Pajage le Jean reei rann’t edi nin edi nè: – Kuwe jé, doo ke ndɔ ke è ndi sei gide ba’t nú ke i tam tà le’n maje nè nga, an! è géa unn gir kule dooge manné njonm ke le’n tɔ ta. Dooge malang ɓungei nan awi rann’t.

Jean 4:31

Loo ke nja de nain rebe ɓai-ɓaa, njékuwe-gir-Jésuge awi se’n kabr-kabr edi nè: – Ngar, use nyan ndêin ɓita.

Jean 6:25

Loo ke d’inge’n gide ba’t nú ɓaa, dé deje’n d’ede nè: – Ngar, ké i ree nè lot bain wa?

Jean 9:2

Njékuwe-gir-Jésuge deji nin edi nè: – Ngar, ké nan ra majelé á ade d’oje’n dingem nè nga ke njèkumtɔ wa? E è éké njékojennge wa?

2 Nje Ke Corinthe 1:24

Jè ndige kon sei njanm-njanm dè kundekêm’t le si nga lé. Nè jè ɓaa, jè njé ra se si kule dè ranel’t le si tede sei ndai njáng dè kundekêm’t le si nga ɓá.

2 Nje Ke Corinthe 4:5

Mber ke j’ile nga, j’ile j’ɔje’n dè ra jé jè kuwe lé. Nè j’ile mber j’ɔje’n dè Kuwe-ɓee Jésu-Krist. Jè ɓaa, jè ɓer kulege le si tede tà le Jésu.

Nje Ke Ephese 3:15

ke girkà ke rara ke danrán éké ke dè nang nè malang ingei ri de ke gete rann’t.

Philemon 1:16

Tel ke i tel inge’n nga, maje kade an’n asenan se ɓer karè lé ta, nè è soo’t dum ɓer. Maje kade ɗarinè ɓaa i an’n ke kotár le’m man kuwe mbain. I géa, maje kade an’n ke kotár lei gir danra’t a, è kotár lei ke njètaakem̂-Krist madi.

Jacques 3:1

Ngakonmge, è soo’t kade dooge bule teli ei njé ndó nyan made dege lé. Sei geri mbak titeke tà ke d’a gang dè jéi jèi njéndó nyan made jéige’t nga à tur ngain dum le dooge ke rang.

1 Pierre 5:3

Njé ke Nube kai de um de ji si’t nga, on-in de njanm-njanm tite ngarge bè lé; nè maje kade i teli sei nyan-tɔjege le bate kosge.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.

Lookilera’n 19:10

M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.

Lookilera’n 22:9

Nè è ede’m ede nè: «Ebe rai ra nyan titeke bè! Man m’ee ngonn njèkule madi a, m’ee njè made kule le ngakoin ke njéribe-dè-tàge ke tà Nube’t. Man m’ee njèmade kule le njé ke ngonmi tàge ke dé ndang kem̂ magtub’t nè sêw-sêw. Nube á maje kade i ɗɔi’n gar-gar!»