Matthieu 23:5 - Nouveau Testament en Gulay 2004

⁵ Nyan ra de malang è tede kunde’n ra de kum dooge’t karè. Gir’n ke nè á ei tɔri gute-nduge ke nange ei têti lanyange ke laa pe-pe tɔi kil ji de’t se nat-non de’t. Taɓai ei rai ji kubuge le de ade laai ber-ber a tɔ.

Matthieu 23:5 Iomraidhean Croise

Matthieu 9:20

An! dinye karé bè ke mese an-in rann’t ase ɓal dɔg-gidé-joo ngein jêke^-jêke^ go Jésu’t ree ɔde tà kubu le’n ke rann’t.

Tà ke Maje ke Luc ndang 16:15

Jésu ede de ede nè: – Sei an-in ra si ke njéra nyan danné sêwge tàkum dooge’t nè Nube ger ngarankêm si mbak. Nyan ke è ngarankum nyan tàkum dooge’t nga, Nube an ke nyan ke tò yêr tàkumn’t.

Tà ke Maje ke Luc ndang 20:47

Nè kêl karé dé njétoso kêm kei le njékei-kingege koto nyange le de ndát-ndát a tɔ. D’ɔje tà se Nube d’ade kur de heb ɗak le taa’n kum dooge. Dé nè nga tà ke d’a gang dè de’t ndɔ gangtà’t nga à dum dè le dooge ke rang malang.

Jean 12:43

Njékɔr non Juipge rai titeke bè tede undei riɓar ke in ra dooge’t tá ngain dum riɓar ke in ra Nube’t.

Jean 5:44

Sei awi ndoo riɓar ke in ra nan’t dadann si sei’t kuwe. Nè riɓar ke in ra Nube’t kuwe karé nga, sei sangi nin lé. Ké sei asi kundei kêm si dèm’t titeke bain wa?

Jean 7:18

Doo ke in se dè’n tam tà nga, sang riɓar ke ɔje dè’n è kuwe. Nè doo ke sang riɓar ke ɔje dè njèkule’n nga ɓaa, è ngarankum doo kerɔte kuwe. Nyanra ke nal naje’n karé bè géa goto rann’t.

Nje Ke Philippes 1:15

Kerɔte kuwe, loo naje’n goto, dooge ke nange dann de’t ilei mber Tà le Krist se kem̂kein a, se ra jang a tɔ. Nè njé ke karége ɓaa ilei mber se tàgir ke maje.

Nje Ke Philippes 2:3

I rai nyan karé bè géa se go jang éké tede riɓar ke raikarè nga lé. Nè an-in njé ke rang ke dooge ke bòi dumi sei se go kule dè kade nan le si.

2 Nje Ke Thessalonique 2:4

Ngonn le njè tuju se non à kɔse nang kin, nyange malang dooge dɔyi nin éké nyan malang ke è ngarankum nyan ke dooge ilei koje dè’t nga, è à ute mbeng. Taɓai è à ndige le kaw sár ndi kem̂ kei ke tò se ninn’n le Nube, à ra ra’n ke Nube gée ɓai a tɔ.