Matthieu 23:39 - Nouveau Testament en Gulay 2004

³⁹ Ma m’ede sei ndàt, loo naje’n goto, sei a teli kan-in man gugu ndan lé sár kade i tami edi nè: «E ke ree se ri Kuwe-ɓee nga, maje kade dè’n mong kang-kang.»

Matthieu 23:39 Iomraidhean Croise

Matthieu 21:9

Doobulege ke njiyei non Jésu’t kété a, se njé ke njiyei goon’t a tɔ rai nyan beng-beng edi nè: – Maje kade dè mong kang-kang nain se Ngonnkà David. E ke ree se ri Kuwe-ɓee nga, maje kade ndutɔr nain se’n. Njèndi sêm danran’t nga, maje kade dè’n mong kang-kang.»

Tà ke Maje ke Luc ndang 17:22

Jésu ede njékuwe-girnge ede nè: – Kêm ndɔ ke rang ngur kan’m man ke m’ee Ngonn-doo à ra sei. Nè sei a kan-in man ndan lé.

Jean 14:19

Mbɔr ɓaa dooge ke dè nang nè à teli kan-in man gugu ndan lé ta. Nè sei ɓaa, a an-in man tede m’ndi kumgajer, sei géa a i ndii kumgajer a tɔ.

Jean 14:9

Jésu tel ile Philippe dè’t ede nè: – Philippe, man ke m’ndi se si nan’t mari bere nè kuwe i ger’m lé ɓai wa? Doo ke an’m ɓaa, an Bɔ’m tɔ. A ɓaa, ké bain taɓai á i tam se’m ede nè: «I tɔje jè Bɔi wa?»

Jean 8:21

Jésu tel ede Pharisienge ɓai ede nè: – M’a m’ɔte kaw, sei a sangi man pi, nè a weii dann kaiya’t le si. Loo ke m’a m’aw ke tutu nga, sei asikum kawi tutu lé.

Jean 8:24

Gir’n ke nè á kété m’ede’n sei m’ede nè a weii dann kaiya’t le si. Ke nè á umi kêm si dèm’t titeke man m’ee Krist nga lé ɓaa, a weii dann kaiyage’t le si kerɔte kuwe.

Jean 8:56

Kà si Abraham nga ndɔ ke ra ranel kêmn’t tede le kan ndɔ ree le’m. Ndɔ ke è an ndɔ nè nga se kum’n a, ra ranel dè’t ngain a tɔ.

Nje Ke Rome 11:25

Ngakonmge, man m’ndige le kade i geri nyan ke tò loo ɓɔyɔn’t nè nga maje, nè bainléa a kin-in kan-in ra si ke njékumkunjuge. Kunn mbi dè tà’t le Juipge ke nange nga à tò bè sár kade dooge malang ke ei Juipge lé ingei kaje pa ɓita.