Matthieu 23:34 - Nouveau Testament en Gulay 2004

³⁴ Gir’n ke nè á an-in! m’a m’ule se njéribe-dè-tàge ke tà Nube’t se njékumkunjuge a, se njéndang magtubge a tɔ ra si’t. Nè sei a tɔli njé ke karége a, a i ɓeri njé ke nange kàde kage-ke-dese’t a, a i tundei njé ke nange se ndêin maru kêm kei kebe nan’t le si a, a ɔri njé ke nange kororoi se kêm ɓee-ɓee a tɔ.

Matthieu 23:34 Iomraidhean Croise

Matthieu 10:23

Loo ke d’a d’ɔr sei kororoi kêm ɓee-bò ke nè’t ɓaa, an-in awi kêm ɓee-bò karé ke rang’t. Kerɔte kuwe, man m’ede sei ndàt, sei a kɔri son ɓee-bòge le ɓeekon ke Israel lé ɓai kuwe bainléa Ngonn doo à tel ree’n.

Matthieu 13:52

Jésu ede de ede nè: – Gir’n ke nè á njèkɔrgir gute-ndu ke rara ke ndó nyange ke ɔje Konɓee ke danrán ɓaa tò asenan se kuwe-kei ke ɔr nyanbawge le’n ke kige se ke konn unde nata.

Matthieu 23:31

Ra ke sei rai titeke bè nga, sei kuwe ɔri gir si titeke sei sei ngann le njé tɔl njéribe-dè-tàge ke tà Nube’t nga kerɔte.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Jean 16:2

D’ade rɔ sei kêm kei kebe nange’t. Kàde ke ndɔn’t nè, dooge malang à in-in tami kedi nè: «sei njé mbate Nubege» à ree non. Gir’n ke nè á, ndɔn’t d’a tɔl’n sei ke nyankuje-mese kede nè n’ilei riɓar dè Nube’t.

Jean 20:21

Jésu tel ede de ede nè: – Maje kade kêmlom nain se si. Ɗarinè, man géa m’ule sei titeke kété Bɔ’m ule’m nga tɔ.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 11:27

Kêm ndɔge ke Barnabas se Saul ndii kêm ɓee-bò ke Antioche ɓai nga, njéribe-dè-tàge ke tà Nube’t in-in Jérusalem reei Antioche.

Nyanra Njekawkulege 12:2

E ade d’uwe Jacques ngokon Jean dé tɔl’n se kuye kaskar.

Nyanra Njekawkulege 13:1

Njékebe nange le Nube ke ndii kêm ɓee-bò ke Antioche, ɓeekon ke Syrie nga, njéribe-dè-tàge ke tà Nube’t se njéndó dooge nyan ndii tutu. Dooge nè nga, ri de a tò nè: Barnabas a, Siméon ke dé ɓar’n «Niger» a, Lucius doo ke Cyrène a, Manaen ke ndɔ ke d’oto de nan’t se Hérode Antipas a, se Saul a tɔ. Ɓeekon ke Galilée nga, dé gaje danné loo sɔ. Hérode Antipas on ɓee dè gaje’n karé.

Nyanra Njekawkulege 14:19

Nè mbɔr go’t gugu ɓaa, Juipge in-in kêm ɓee ke Antioche ɓeekon ke Pisidie, se kêm ɓee ke Icone reei umi tà kêm doobulege’t ade in-in tilei Paul se kuberi her mbàs-mbàs. Dé ndɔr’n d’aw se’n d’ile’n gide ɓee-bò’t nata. Dé gir kêm de’t d’ede nè è wei ɓá.

Nyanra Njekawkulege 15:32

Jude se Silas ei njéribe-dè-tàge ke tà Nube’t. Ei géa edi de tàge ngain a, ndeji de a, ulei dingem kêm de’t a tɔ.

Nyanra Njekawkulege 5:40

Njégangtàge teli ɓari njékawkulege adi d’unde de se ndêin maru, taɓai ei unni ndu de ade njékawkulege le kade tami tà se ri Jésu nè nga lé njing ɓita inyei de adi awi ɓai.

1 Nje Ke Corinthe 2:6

Nè né è bè géa, Krist kuwe è kumkunju ke j’ile mber’n j’ade njé ke tɔgi dè kundekêm’t le de. Kumkunju nè nga in ra dooge’t éké in ra njékonɓeege’t ke dè nang ɗarinè nè nga lé. Kumkunju ke in ra dooge’t éké ra njékonɓeege’t nga, ndɔ ke rang à undei nang ɓai.

1 Nje Ke Corinthe 3:10

Man m’tò m’asenan se kɔde kunde gir kei ke unde gir kei kété ɓita doo ke rang unde kei dè’t ɓai. Gir kei ke m’unde nga, è se go noje ke Nube uwe se’m. Nè maje kade nanan géa unde kumkunju dè rann’t ɔje dè gos kunde kei dè gir kei’t nè nga.

Nje Ke Colosses 1:28

E Krist nè nga kuwe á j’ile mber tà le’n j’ade dooge malang. Jè j’ede nanan a, jè ndó nanan a tà le’n se kumkunju ke deri le kade nanan géa ra’n tɔge dè kum nan’t bɔk se Krist a tɔ.

1 Nje Ke Thessalonique 2:16

D’ɔge jè loo kile mber le kade dooge ke ei Juipge lé ingei kaje. Dé ra titeke bè d’ile’n kaiyage le de dè made’t se ndɔge malang. Nè loo tɔl tà’n ɓaa, wong le Nube oso dè de’t ɓai.

Hebreuge 11:37

Dé tile njé ke nange se kuberi her mbàs-mbàs dé tɔl de a, dé tuje de danné mɔr-mɔr dé gang de a, dé tɔl de se kuye kaskar a tɔ. Dé ra de d’ade d’ile dɔ gam-gam a, d’ɔi nyange le de ndát-ndát ade ɓann ngire batege se binyege á d’utu’n dè ra de a tɔ. Dangte ra de tede dé ra se de majelé ngain a, d’ɔge de loo taa kebe a tɔ.

Lookilera’n 11:10

Dooge ke ndii dè nang nè à rai ranel tede kwei le de a, à ali ra de ngain a tɔ. Taɓai à ulei se nyange kuwei noje se nan ke yo ke nè, tede njéribe-dè-tàge ke tà Nube’t ke joo nè nga, ei njé kade kem̂ dooge ke nang nè olé bɔt-bɔt.